الحلقة الاخيــــــــــــــــــــــــــــــرة







فضلت نهى مغمضة عنيها طول الوقت وعنيها بتدمع كل ماتفتكر انها هتبعد عن اسراء ومش هتشوفها
غير بعد 3 شهور على الاقل...ولما تفتكر اسلام والي عملو فيها وجرحو ليها بعد ما ادها امل في بكرة
وترجع تبتسم وتفرح لما تفتكر قد اية كان ملهوف عليها ونفسو يشفها قبل ماتسافر ... قطع تفكيرها صوت


المضيفه : حضرتك تحبي تاكلي اية chicken or meat؟؟؟
نهى : لا شكرا انا عوزة قهوة لو سمحتى
المضيفة : اوك .....اتفضلي
نهى : شكرا
الام : لية ماكلتيش يانهى
نهى : ماليش نفس ياماما
الام : اوك براحتك

فضلت نهى تبص من شباك الطيارة وتفتكر كل الي حصل معاها السنة دي ..من اول يوم نزلت فية مصر تاني
كان شريط حيتها عدى قدمها في لحظات .....بعد ساعتين تقريبا بدات تشوف بيوت وعربيات فهمت انو خلاص
مابقاش ينفع الرجوع او حتى الحلم بانها تشوف كل الناس الي حبيتهم في مصر تاني خلاص كلها دقايق
وتنزل الطياره في مطار جده كلها دقايق وتبقى في بلد تانية غير بلدها ......

"ن: يااااااااااااااااااااااااااااااه ... اول مرة اجي هنا واحس بالغربة دي كلها

فضلت نهى ساكتة طول الطريق لحد ما وصلت بيتها طبعا بعد الجوزات والذي منه .....اول ما وصلت بيتها
راحت على قوضتها دخلتها وافتكرت كل الذكريات الي قضتها فيها من ايام الطفولة ولحد ما سفرت مصر

"ن: بجد مش حاسة ان هنا مكاني ولا ان ده بيتنا ...... نفسي ارجع تاني لقوضتي واصحابي ..و...و
يااااااااارب عدي الايام دي على خير

ورمت نفسها على السرير واستسلمت للنوم ..... اول ماصحيت من نومها مكست موبيلها

نهى : قطتي وحشتيني
اسراء : ياراجل وانتي لسة فاكرة تتصلي
نهى : هههههههه منا اول ماجيت نمت والله عموما شوية كده وافتح النت انتي موجوده
اسراء : ايون يلا بقى مستنياكي
نهى : اوك ياقمر

قفلت مع اسراء ورجعت داست تاني على اتصال

نهى : الو
اسلام : حمد الله على السلامة ياقمر
نهى : الله يسلمك انت عامل اية
اسلام : الحمد الله كويس
نهى : الحمد الله
اسلام : ماشي يانهى انتي صوتك تعبان اوى قومي ريحي شوية
نهى : اوك يلا باى
اسلام : باى

قفلت الموبيل وفتحت جهازها واعدت على النت تتكلم مع اسراء وتدحك وتهرج ...... عدت الايام وكل يوم نهى
تتصل على اسلام تكلمو وتتطمن علية وهو ماكنش بيحاول لو مرة يتصل يطمن عليها او حتى يسال عنها
وكل يوم نهى بتعد معظم وقتها على النت تتكلم مع اسراء وتشوف المواقع لحد ما عجبها منتدى
واشتركت فية بقى كل وقتها على المنتدى ده تكتب في مواضيع وتنزلها كل حاجة كانت بتوجعها من اسلام
ونفسها انو يقرائها ويحس بالمها كانت بتكتبها ...مع انها عارفة كويس انو مش هيشوف حاجة ولا عمرو
هيحس بالي فيها والي واجع قلبها .... اعجب بيها اكتر من شخص في المنتدى بنات وولاد عجبهم كلمها
وحسو بالدموع الموجوده بين سطورها ... وديما كانو بيبدو اعجابهم بيها وبكلمتها مع ان كلها حزن
وكتر من شاب عرض عليها حبو بس هيا ماكنتش قادرة تتكلم مع اي حد عن الحب اصلا ولا حتى تفكر فية
وكل الي شاغل تفكيرها ومقتنعه بيه تماما

"ن: ازا كنت انت يا اسلام اخصلت لوحده خانتك وماقدرتش تسيبها وتفكر في غيرها ...انا ياحبيبي
مش هخلصلك في حبي الي عمرك ماحسيت بية او حتى فكرت فية .... لا انا عمري ما هقول كلمة بحبك
لحد غيرك انت ....

كانت مقتنعه جدا بالفكرة دي ومش راضية تتنازل عنها ابدا ... وفي يوم وهيا بتكلم عبير صحبتها على النت

عبير : نونه في حد عاوز ميلك مني وعمال يزن عليا بقالو كتير وانا مش راضية اديه الميل قبل ما استاذنك الاول
نهى : مين ده ؟؟؟
عبير : فاكرة خالد ...
نهى : اه خالد صاحب اخوكي
عبير : ايون هو ده
نهى : مالو بقى
عبير : مش عارفة ده يابنتي على طول كان بينزل الجامعه ويشوفك من بعيد ويمشي
نهى : يا سلام وانتي عرفتي منين
عبير : اخويا قالي منتي عارفة انو انتيمو غير كده قفشو اكتر من مرة في الجامعه
نهى : طيب مهو يمكن كان نازل عادي يعني بيشوف صحابو ولا بيخلص ورق التخرج
عبير : لالالا يانونة هو خلص كل حاجة من زمان غير كده كل دفعتو والناس بتعو اتخرجو من زمان
نهى : طيب وهو عاوز اية يعني من كل ده
عبير : مش عارفة والله بس غالبا معجب بيكي ياقمر
نهى : يا سلام معجب بيا واحنا ماتكلمناش غير مرتين تلاتة
عبير : مش عارفة وبعدين انتي هتخسري اية كلمية وشوفي عاوز منك اية
نهى : بصي ياعبير لو هتديلو ميلي انا مش عندي مشكلة ولا حاجة بس احنا صحاب وبس وحاولي تفهمية كده
عبير : خلاص اوك ياقمر يعني انتي معندكيش مانع تتكلمو مع بعض
نهى : اه ماعنديش مانع بس زي ماقلتلك صحاب وبس ده لو ماكنش صاحب اخوكي ولولا اني واثقه جدا
في اخوكي ماكنتش قلتلك اديهولو
عبير : ماشي ياقمر ولا يهمك انا هخلي اخويا يفهمو الوضع كويس
نهى : ماشي ياعسل بصي بقى انا هقوم عشان هنروح عند ناس صحاب ماما
عبير : اوك يانونه باى
نهى : باى


مافكرتش نهى كتير في الكلام الي قالتو عبير لانها ببساطة مقتنعه تماما بمبداها وبفكرتها انها مش هتقول
كلمة بحبك غير لاسلام وبس ...... وبعد مارجعت نهى من برا دخلت على النت لقيت اضافة من خالد على ميلها
قبلت الاضافة واعدت تتكلم مع اسراء ويتريقو على بعض ويهرجو كالعاده ... وشوية ولقيت خالد دخل .....


خالد : الووووو
نهى : اهلا
خالد : ازيك يانهى عاملة اية
نهى : تمااااااااموز الحمد الله وانت
خالد : الحمد الله كويس ... مصر مضلمة خالص من غيرك
نهى : هههه ثكرا


وفضلو ساكتين شوية وكل فين وفين يتكلمو ...... وزي كل يوم بيعدي زي غيرو طول اليوم تقريبا على النت
او نوم ونااااااااااادر جدا خروجات ستات ... ( يعني معزمين عند فلانة ..فلانة جوزها في المستشفى وهكذا ....)
فضل خالد كل يوم يعد على النت وطول وقتو يكلم نهى وبعد ماكانو بيتكلو كلمتين في الساعه بقو
يتكلمو اكتر واتعودو على بعض اكتر واكتر .... اما بقى اسلام بدات نهى تتخنق وتحس انو مش عاوز يكلمها
اوقات كتير يكلمها من غير نفس واوقات يكلمها كويس وعلى طول مش بيسال بدات تتخنق من تجاهلو ليها

نهى : يابنتي والله زهقت وبعدين كمان انا عوزة احس انو في شوية اهتمام يعني مافيش صحاب مش
بيسالو على بعض بالشكل ده
اسراء : منا قلتلك الي فيها انتي ماتتصليش بية تاني وشوفي هيعمل اية
نهى : منا مش قادرة ماكلموش مش بيهون عليا كمان بقلق علية وبيبقى نفسي اطمن علية وبس
اسراء : طيب فاكرة لما معبرتهوش يومين اتصل واتلهف عليكي ازاي
نهى : اه طبعا ودي ايام تتنسي ههههههه
اسراء : طيب جربي كده اعملي معاه الموضوع ده دلوقت وشوفي هيحصل اية
نهى : ممممممممم ماشي وبعدين لما احب اطمن علية اعمل اية
اسراء : مش انتي بتكلمي مامتو ووائل
نهى : ايون
اسراء : خلاص اطمني علية منهم واهو واحد جوه البيت وواحد برا البيت
نهى : هههههههههه يا سلام عليكي ياوشه انتي زكية موت راحت مني الفكرة دي فين
اسراء : مارحتش بس عقلك الي مش عاوز يفكر اصلا ههههههههههههه
نهى : خلاص من بكرة هبدا الموضوع ده
اسراء : ماشي ياقمر .... ماقلتليش خالد عامل معاكي اية
نهى : عادي يانتي منا قلتلك من الاول احنا صحاب وبس وهو كمان مابقاش يفكر غير في اننا صحاب
اسراء : كويس

بدات نهى فعلا ماتكلمش اسلام بس طبعا ماقدرتش 3 ايام بالظبط وكلمتو ماقدرتش تبعد عنو واتصلت بية

نهى : ازيك ياباشا
اسلام : والله لسة فاكرة بقالك 3 ايام مش كلمتيني لية بقى حصل اية
نهى : يعني افرض انا مش كلمتك انت ماتصلتش لية ولا سالت مش يمكن اكون تعبانة
اسلام : طيب احلفلك باية اني كنت فعلا هتصل عليكي النهارده باليل
نهى : بجد والله
اسلام : طبعا قلقت عليكي ...ماقلتليش بقى حضرتك كنتي فين
نهى : ههههه عادي بتقل ههههههههههه
اسلام : بقى كده بتتقلي طيب ماتعمليش تاني كده ياشطرة عارفة اغنية سومه تلت ايام
نهى : ايون مالها
اسلام : اسمعيها كويس عشان تفهمي بس
نهى : يا سلام ماااااااشي
اسلام : بقلك صحيح سمعتي شريط عمر دياب الجديد
نهى : طبعا مهو هو ده الي خلاني اكلمك اصلا
اسلام : هو في اغنية كده انا بهيدهالك
نهى : بجد اية ها اية
اسلام : لالالالا مش هقلك انتي تعرفي لوحدك
نهى : امممممممممم طيب انا عرفت
اسلام : ها اغنية اية
نهى : قالتي قول
اسلام : تؤتؤتؤتؤ ماكنتش اتوقع انك ماتعرفيهاش يانهى اخص عليكي
نهى : امال اغنية اية ؟؟
اسلام : الليلادي طبعا
نهى : ياراجل ماشي متثكرة
اسلام : يعني لما بسمعها بفتكرك انتي مش عارف لية
نهى : ربنا يخليك شكرا
اسلام : على فكرة احنا النهارده كلنا هنتجمع في الساقية كان نفسي تكوني معانا والله
نهى : معلش بقى المرة الجاية ...يلا بقى عاوز حاجة
اسلام : شكرا ياقمر باى
نهى : عفوا باى

"ن : قال وانا كنت فاكرة انو هيقول قالتلي قول ممممممم مش مشكلة مهي برضو الليلادي حلوة
مش وحشة يرضو

رجعت نهى على النت وكلمت اسراء

اسراء : حماااااااااااااااااااااااااااااااااااااارة
نهى : اعمل اية منا مش قدرت
اسراء : خليكي انتي الي هتخدي على قفاكي
نهى : هههههههههه خلاص والله خلاص بصي من اول الاسبوع الجاي ده مش هكلمو والله
اسراء : انا خلاص مش هصدقك تاني
نهى : والله خلاص انا حرمت ... اصلا لما قالي اني كان هيتصل كان نفسي اضرب نفسي بالجزمة
اسراء : احسن تستاهلي
نهى : خلاص والله حرمت
اسراء : اما نشوف يانهى

وفعلا اعدت نهى ماتكلمش اسلام فترة طويلة بس كان قلبها واجعها اوي علية ومدايقة انو مش بيسال عليها
كانت بتتصل تقريبا كل يومين بمامتو واوقات ترد عليها اختو ويهرجو مع بعض ... واكنت بتصل بوائل
وتتكمن على اسلام منو بس ماحولتش تتصل باسلام ابد

اسراء : انا مش مصدقه انك لحد دلوقت ماكلمتهوش
نهى : منا قلتلك والله مابكلمو بتصل على مامتو وعلى وائل وبس محدش تاني والله
اسراء : شاطرة خليكي كده
نهى : بصراحة انا واخده الموضوع عند كمان مهو المفروض يسال برضو مش مايعبرنيش كده ده مش اسلوب بجد
اسراء : خليكي كده بجد انتي كده بتردي شوية من كرامتك الي مرمطي بيها الارض
نهى : بت اتلمي
اسراء : ماشي ياموزتي


اما بقى اسلام كان عايش حياتو جدا وكل يوم خروج مع اصحابو مش في بالو نهى اصلا واوقات كتير
بيبقى جمب ماتو وهيا بتكلم نهى ومابيحاولش يسال عنها او يقولها توصلها حاجة او حتى يخطف السماعه
ويكلمها ..... واوقات برضو بيكون جمب وائل وبرضو ماكنش بيسال حتى قالتلو اية ولا اكن الموضوع فارق معاه
طبعا نهى كانت كل يوم بتبعد عن اسلام اكتر واكتر وبتقرب من كل الناس الي حواليها وبالاخص الناس الي معاها
طول اليوم ....وفضلت يومين ماتدخلش على النت عشان عطل في الشبكة واول مارجع النت دخلت بسرعه علية
وكل الناس الي فية وحشينها يمكن خالد وحشها شوية زياده ... واول مادخلت لقيت مسجات كتير من خالد
اوف لاين تقريبا كل ساعه مسج فرحت اوى بكلامو واتبسطت ان في حد بيسال عليها وخاف عليها شوية
وقلقان وفضلت اعده مستنياه لحد مادخل

"ن: لالالا مش هدخل اكلمو خالص اشوف هو هيعمل اية

خالد : ياااااااااااااه اخير عاش من شافك يابنتي
نهى : هههههههه ربنا يخليك
خالد :كنتي فين يابنتي اختفيتي مرة وحده كده لية
نهى : مافيش الشبكة كانت بايظة شوية
خالد : المهم انتي كويس
نهى : الحمد الله زي القرد
خالد : الحمد الله ....عارفة بجد
نهى :؟؟؟؟
خالد : وحشتيني
نهى : ياه من يومين
خالد : اها ومن ثانيتين كمان
نهى : ياسلام ولية بقى كل ده
خالد : نهى بصي انا ...انا
نهى :انت اية
خالد:عوزك في موضوع مهم جدا
نهى : موضوع اية اتفضل
خالد :بصي من غير زعل
نهى : اوك
خالد : بصي يانهى انا حاولت كتير اخبي الموضوع وانساه بس بجد مش قادر انا كنت في الاول فاكر انو مجرد
اعجاب بس ليقتو بيكبر كل يوم اكتر من الي قبلو لقيت نفسي من اول يوم شفتك فية بفكر فيكي كتير
مش قادر انساكي على طول في بالي مش قادر افكر غير فيكي
نهى : وبعدين
خالد : بصي من الاخر ......
نهى : ايوه
خالد : انا بحبك
نهى :...............
خالد : نهى تقبلي تتجوزيني
نهى : خالد المــــ..........
خالد : بصي ماتجوبيش دلوقت .انا مش مستني منك رد دلوقت فكري كويس وبعدين نبقى نتكلم
انا عارف ان الموضوع فجائك بس ياريت بجد تفكري وانا مش هدخل على النت خالص لحد ماتقرري
بصي ابقي ابعتي مسج اوف لاين وانا هدخل كل يوم بليل خالص واشوف واوعدك مش هكلمك غير لما الاقي
مسجك ....باى يانهى

وقفل من غير مايستنى ردها فضلت نهى متنحة قدام الجهاز ومش عارفة تعمل اية غير انها تسكت
لحد مافوقتها كلام من اسراء

اسراء : يااااااااااااااااااااااااااااااااااااااانهى
نهى : ايوة
اسراء : اية كنتي فين
نهى : مافيش اعده
اسراء : مالك متنحة لية
نهى : اصل حصلت حاجة غريبة جدا دلوقت تقريبا كنت بحلم
اسراء :اية

بعتت نهى كل الكلام لاسراء وفضلت مستنة ردها

اسراء : بصي اولا ده انسان محترم ..لانو بعد ماقلك بحبك دخل من الباب ...بعدين هو انسان كويس
ومستقبلو كويس مش وحش يعني وانتي بقالك فترة كبيرة بتكلمية ويعني حسيت انك مشدودالو شوية
نهى : اه بس مش لدرجة جواز ...ده قرار صعب اوي
اسراء : نهى انتي لازم تفكري كويس في الموضوع ده الموضوع مش سهل اول لعب فكري كويس
عشان ولا تظلمية ولا تظلمي نفسك
نهى : حاضر

واعدو يكملو كلامهم في حجات تانية كتير بس كل تفكير نهى في كلام خالد ليها الي تقريبا كانت متوقعاه
بس مش لدرجة الجواز ....فضلت نهى تفكر في الموضوع كويس وتشوف مميزاتو وعيوبه وكل حاجة عنو
واخيراااااااا توصلت لقرار

"ن : خالد مش موحش واكيد الحب هيجي وحده وحده وكمان انا خلاص بدات انسى اسلام ولازم
افكر في غيرو عشان اقدر ابعد عنو انا مش هفضل كده بحب واحد مش بيحس بيا هو صحيح الحب حلو
بس الاحلى انك تحب وتتحب ... وبما اني مش قادرة اسعد نفسي واكون مع الانسان الي بحبو
يبقى احاول اسعد انسان بيحبني بجد ....

دخلت نهى على النت وكتبت لخالد

نهى: خالد انا قررت ومستنياك عشان نتكلم
خالد : وانا موجود
نهى : اية ده انت هنا
خالد : اخيرا قررتي يابنتي انا من ساعت ماكلمتك وانا واخد اجازة من الشغل وعلى طول على النت
مستني ردك
نهى : وانا قررت خلاص
خالد : ممكن تقوليلي اية قرارك
نهى : بص انت مافكش حاجة وحشة بس قبل ماقلك اية قراري انت لازم تعرف حاجة
خالد : اية

حكت نهى لخالد كل الي حصل بينها وبين اسلام وبعد ماخلصت

خالد : انا كنت عارف انك بتحبية كان باين اوى عشان كده كنت متوقع رفض
نهى : بس انا ماقلتلكش قراري ياخالد
خالد : وهو اية
نهى : دلوقت القرار في ايدك انت
خالد : يعني اية
نهى : من كل الي قلتهولك ده واضح جدا اني عوزة ابدا معاك صفحة جديده انسى فيها كل الي فات
خالد : يعني انتي موافقه
نهى : المهم انت موافق ومش مدايق من الي قلتلهولك
خالد : بصراحة انا مدايق اني مش هكون اول حب في حياتك ومن حجات تانية كتير بس يانهى انا بحبك
ومش قادر ابعد عنك بس عاوزك توعديني انك بجد تبداي معايا صفحة جديده تنسي فيها اسلام خالص
نهى : وانا اوعدك اني ان شاء الله هحاول انسى كل حاجة
خالد : ماشي وانا معاكي لحد ماتنزلو مصر واجي اتقدم لاهلك رسمي
نهى : ربنا يسهل

فضلت نهى مخلصة لخالد بجد وماحولتش تتصل باسلام وكل ماكانت تفكر فية تعاقب نفسها وتعمل اي
حاجة عشان تبعدو عن تفكيرها او تفكر في خالد وكل الي بيعملو عشنها وحبو ليها وخوفو عليها حتى من نفسو
وبعد ماخلص الصيف اخير نهى هترحع مصر تاني وتشوف اسراء ويخرجو مع بعض تاني ...اخيرا هترجع الجامعه
وتشوف صحابها تاني وتدخل المحضرات ..... اخير هترجع لحياتها من تاني الحياة الي حبيتها
واول مانزلت تاني يوم كانت عند اسراء في البيت وخرجو مع بعض واتفسحو اما خالد فقالها انو مش هيطلب
يقابلها لحد ما مايجي لاهلها رسمي في البيت ... وبعد نزلو نهى مصر لقت خالد بدا يتغير

اسراء : يعني اية متغير
نهى : مش عارفة على طول عصبي وكل ماتيجي سيرة الجامعه القية اتجنن واعد يزعق
اسراء : وده من اية بقى
نهى : معرفش بس هو اكيد خايف ارجع لاسلام لما اشوفو مش عارفة لية مش واثق فيا غير كده
بقينا على طول خناق وزعيق مابقاش في تفاهم خالص بينا وده بجد بيوترني ويخليني ابعد عنو فعلا
اسراء : طيب حاولي تفهمية
نهى : والله قلتلو مليون مرة ان ده بيخليني ابعد عنو وده خلاص مافيش دماغ على طول زعيق وبس
ده واحنا لسة ماتخطبناش امال هيعمل اية لما نتجوز انا بجد مش بحب اسلوب الزعيق ده
اسراء : واية الحل يعني
نهى : هو مافيش غير حل واحد هو اكيد هيجننو بس هو ده الحل
اسراء : هو اية
نهى : اني اقابل اسلام وانهي الموضوع بينا خالص يمكن هو يرتاح وقتها
اسراء : انتي اتجننتي
نهى : لا لازم نخلص بقى من موضوع اسلام خالص ويتقفل واعرفو اني خلاص نسيتو ومش بفكر فية
اسراء : انتي حرة بس ده بجد هيجننو على الاخر
نهى : ربنا يستر بقى

وبعد ما خالد رجع من الشغل اتصل على نهى عشان يطمن عليها

خالد : ايوة ياحبيبتي عاملة اية
نهى : الحمد الله وانت
خالد : كويس الحمد الله
نهى : خالد انا عوزة اتكلم معاك في موضوع
خالد : ربنا يستر في اية
نهى : انا ...انا ....عـ ...عوزة اقابل اسلام
خالد : نعم ياختي
نهى : منا لازم اقابلو عشان ينتهي الموضوع ده خالد وانت ترتاح
خالد : وانا بقى هرتاح لما اعرف انك معاه وبتقابلة اية شيفاني اية مش راجل قدامك يعني
نهى : يا خالد افهـ...
خالد : افهم اية انك لسة بتحبية ومش قادرة تستحملي بعدو ده انتي لسة ماكلمتيش اسبوعين في مصر
عاوزة تنزلي تقابلة اية وحشك اوي للدرجادي مش قادرة تستني اول يوم في الجامعه عشان تشوفية
نهى : ياخالد الموضوع بس اني عوزاك ترتاح لما اقفل موضوعي معاه خالص واقلو اني ارطبط بيك
واننا قريبا هنتخطب و...
خالد : هيعرفها لوحدو مش منك ياهانم
نهى : يعني لو كنت نزلت قابلتو من غير ماقلك كان هيب....
خالد : اية كمان يعني كان في بالك انك تعملي كده وبدام مجهزة نفسك وخلاص مستنية رئي في اية
ده الي ناقص كمان من ورايا اية فوق يانهى انتي بتكلمي راجل مش كيس جوافة قدامك
نهى : طيب بس نتفاهم اهدى بس شوية
خالد : اية شيفاني بقطع في شعري ولا بتنطط قدامك عشان تقولي اهدى
نهى : خلاص انا اسفة تصبح على خير
خالد : نــــــــــــــــهـــــــــــــى
نهى : ايوة
خالد : انا لسة ماخلصتش كلامي عشان تقولي باي وقرف
نهى : خالد لما تهدى نبقى نتكلم مهو مش معقولة الاسلوب الي بتكلمني بية ده ..قولي انك مش واثق
فيا ولا في حبي ليك ولا في اي حاجة بجد ياخالد دي مش معاملة وبعدين لو الموضوع فضل كده هلاقيك
كل يوم عندي في الجامعه عشان اسلام مايقربليش منا هنزل الاجامعه وهشوفو وهنتكلم وهيحصل
الي انت مش عاوزو وهنفضل نتخانق كل يوم عشان شفت اسلام فلية كل ده من الاول المفروض
اننا نتكلم ونقفل الموضوع ده خالص ويعرف اني مابقتش افكر فية اصلا عشان يلزم حدودو معايا ويعرف ان الي كان في قلبي
لية خلاص انتهى من زمان وان في حد تاني بحبو وجوة قلبي لازم الموضوع يتقفل مايفضلش كده ياخالد
خالد :...............
نهى : خالد رد عليا
خالد : مش عارف اقلك اية انا مش مقتنع اصلا بكلامك ده
نهى : خلاص اوك الموضوع انتهى
خالد : اوك يانهى باى
نهى : باى

قفل خالد وفضل يفكر لحد ما اقتنع ان كلام نهى صح وانو لازم يخليها تنهى الموضوع من دلوقت احسن
ما يفضلو يتخانقو وكمان عشان يقتنع انها نسيتو خلاص ومش هتضعف لما تشوفو قدامها فتصل عليها

خالد : ايوة يانهى
نهى : ايوة
خالد : خلاص انزلي قابلية
نهى : يعني اقتنعت ولا لاء
خالد : بقلك انزلي وخلاص مش عاوز كلام تاني
نهى : ماشي عموما انا هقابلو في الجامعه
خالد : اوك ياريت تبقى تقوليلي امتى
نهى : حاضر
خالد : تصبحي على خير
نهى : وانت من اهلو

قفلت نهى معاه وارتاحت انها هتنهي موضوع اسلام وهتخلص من الماضي وتبداء بجد صفحة جديده
وتاني يوم اتصلت على اسلام

اسلام : هو ده بجد ولا انا بيتهيالي
نهى : الي هو اية
اسلام : انك في مصر
نهى : لا انا في مصر فعلا وعوزة اشوفك
اسلام : بجد
نهى : انت فاضي بكرة
اسلام : ولو مش فاضي هفضالك
نهى : اوك بكرة هقابلك في الجامعه
اسلام : ماشي على 1 الضهر كده ينفع
نهى : اها كويس يلا باى
اسلام : باى

كانت جوة نهى مشاعر مختلطة خوف وفرحة والم وشوق وحب حجات كتير م ش فاهمة لية واية سببها
راحت وقابلت اسلام الي كان اعد مستنيها قبل المعاد واول ماشفتو قلبها دق جامد ولقيت رجلها
بتجري علية نسيت وقتها خالد نسيت كل الي عملو فيها اسلام مابقتش فاكرة غير كلمت بحبك منو

اسلام : ياااااااااااااااااااه وحشتيني اوي
نهى : ربنا يخليك
اسلام : مالك يانهى
نهى : انا لو وحشتك كنت سالت الشهر ونص الي عدى من غير ماتصل افرض كنت مت كنت عرفت ازاي
بجد ماكنتش اتوقع منك تعمل كده
اسلام : اول المفروض اني انا الي ازعل انتي ماتعرفيش الشهر ده عدى عليا ازاي ولا كنت بعمل اية فية
نهى : ياسلام محسسني انك كنت بتسكر بقى ومش طايق نفسك وقافل على نفسك القوضة
اسلام : على فكرة انا كنت ببقى اعد جمب ماما وانتي بتكلميها وكنت ببقى مع وائل كمان بس ماحولتش اكلمك
نهى : وده بقى عشان كنت بتفكر فيا فعلا صح
اسلام : لا لان معنى الي بتعملية انك مش عاوزه تكلميني وانا مابحبش افرض نفسي على حد
نهى : يااااااااااه وهو ده بقى الصح من وجه نظرك
اسلام : طبعا انا مابحبش اكون تقيل
نهى : مافكرتش للحظة اني بعمل كده بشوف معزتي في قلبك قد اية
اسلام : لا فكرت وقلت اسيبك عشان تعرفي لوحدك معزتك
نهى : اه فعلا انا عرفت

.....................فضلو ساكتين لفترة

نهى : اسلام ..... انا ارطبطت بواحد وكلها كام يوم ونتخطب
اسلام : اية
نهى : زي ماسمعت
اسلام : ههه وبتقولي كنت بتفكري فيا طول الشهر والنص الي فاتو واضح جدا
نهى : انا كنت جاية اقلك ان موضوعنا لازم يتقفل وينتهي بس ماقدرتش اول ماشفتك نسيت كل الدنيا
اسلام :...............
نهى : اسلام انا بجد حبيتك وماقدرتش ابعد عنك يمكن الايام وبعد المسافه وهموني اني نسيتك
بس لما شفتك اكتشفت اني كنت غبية وان عمرك ماغبت عن بالي للحظة
اسلام : وهو الحب يخليكي تقولي لغيري بحبك ... ههه ده انا لما لقيت نفسي بفكر في نهى قلتك
عشان مش قادر اخونك وهيا لسة في بالي ...توقمي انتي تخنوني بالشكل ده
نهى : اسلام انت الي خلتني اعمل كده الفترة دي خلتني اتاكد انك مش عاوزني اصلا
اسلام : نهى ماتدحكيش على نفسك
نهى : اسلام انا بجد ...ب..ب...
اسلام : ارجوكي ماتقوليهاش الي بنا بجد كده انتهى
نهى : اسلام ارجوك سامحنى انا مقدرش ابعد عنك
اسلام : منتي قدرتي خلاص انا اسف يانهى الي بنا انتهى

وسابها ومشي فضلت اعده في مكانها لحد مافاقت من الي حصل شوية وقامت فضلت ماشية في الجامعه
وعدت على كل مكان جمعهم كانت بتقف عند كل مكان شوية وتشوف الي حصل فية وتبتسم ابتسامة الم وحزن
لحد ما مشيت من الجامعه خالص ولما صدقت وصلت البيت اتصلت على خالد

خالد : ها روحتي
نهى : ايوة
خالد : مالك يانهى
نهى : خالد احنا ماينفعش نكمل مع بعض
خالد : يعني اية
نهى : انا النهارده اكتشفت اني لسة فاكرة اسلام وماقدرش ابعد عنو او اشيلو من تفكيري وماينفعش ادحك عليك
وعلى نفسي خلاص الموضوع انتهى
خالد : طيب يانهى انتي دلوقت مدايقة لما تهدي نتكلم
نهى : لا ياخالد احنا كده خلاص ....باى

وقفلت وانهارت في دموعها الي فضلت مسكاها طول الوقت ده بقيت حسة بالضياع اتصلت على اسراء

نهى : اسراء ممكن تجيلي البيت
اسراء : مالك في اية
نهى : بجد محتجالك
اسراء : حاضر دلوقت جاية

وبعد ماقفلت لقيت موبيلها بيرن كان خالد الي اتجنن بعد كلام نهى فضل يتصل لحد مانهى قفلت الموبيل خالص
وبعد 10 دقايق كانت اسراء بتخبط على الباب ودخلت لنهى القوضة

اسراء : مالك يابنتي في اية اهدي مش كده
نهى : شفت الدموع في عينو يا اسراء افرق اية انا عنها احنا الاتنين خناه
اسراء : هيا مين دي وخنتو مين
نهى بالم : اسلام
اسراء : اهدي بس واحكيلي

بدات نهى تهدي شوية وتحكي لاسراء الي حصل مع اسلام وعنيها ماسكتتش طول الوقت دموع والم فيهم

اسراء : ده واحد بيستهبل ازاي يعني خنتية وهو الي سابك يعني اية خنتي واحد قالك انا مش بحبك ولازم نبعد
عن بعض وانا بفكر في حبي القديم فين بقى الخيانة المفروض انك تعدي تستني حضرتو لحد مايحس
وينسى الهانم ولا اية مش فاهمة
نهى : انا جرحتو جرحتو اوي يا اسراء
اسراء : يانتي ولا جرحتية ولا حاجة ده واحد بيستهبل بجد وهو مش مجروح هو لما صدق يلاقي تلكيكه
عشان يطلعك غلطانة ويخليكي طول عمرك ندمانه علية
نهى : يابنتي ده عينو كانت كلها دموع بجد
اسراء : عادي لزوم التمثيل ده بيستهبل وماتفكريش فية ولا تفكري انك خنتية هو بيتلكك وبس
نهى : مش مصدقه بجد

وبعد ما هديت نهى اخير وراحت في النوم قامت اسراء من جمبها وروحت بيتها اما نهى فكانت حسة بالذنب
لابعد الدرجات سواء على اسلام الي خانتو ولا خالد الي علقتو بيها وسابتو كل ماتفتكر الي حصل بسببها
لخالد او حتى لاسلام تنهار في العياط لحد ما ماتها اخدتها تغير جو في اسكندرية يمكن نفسيتها ترتاح شوية
ولكن بدون اي فايده على طول في البيت او تنزل الصبح بدري تعد على البحر لحد الضهر وتطلع تقضي
باقي اليوم في البيت
اما خالد الي كان تعب من كتر اتصالو على نهى وبدون اي فايده على طول الموبيل مقفول فقرر يتصل على اسراء
الي اخير جاب نمرتها بصعوبه من صحابها في الجامعه وقرر انو يتصل بيها في الوقت ده كانت سايبة موبيلها
في الصالون عشان بتاخد شاور فضل خالد يتصل كتير لحد ما ردت علية اختها

خالد : الو السلام عليكم
ساره : عليكم السلام مين معايا
خالد : انتي اسراء
سارة : وانت عاوز اية من اسراء
خالد : ممكن اكلمها ولا لاء
سارة : لاء مش ممكن لحد ماعرف انت مين وعاوز اية
خالد : وانتي مالك انا عاوزها هيا
سارة : بقلك اية احترم نفسك واتلم
خالد : انا محترم غصب عنك وعن .......... (تيـــــــت)
سارة : طيب انا بقى هخليك تعرف انا مين

خرجت اسراء من الحمام على زعيق جامد واول اتخضت لما لقيت موبيلها في ايد اختها وعمالة تشتم

"س: اية ده هيا دي اتجننت ولا اية ازاي مسكة موبيلي وبتشتم مين يعني كده

اسراء : انتي بتكلمي مين
سارة : والله طيب ابقى وريني هتعمل اية اما اشوف بقى
اسراء وهيا بتشد الموبيل منها : بتكلمي مين بقلك
اسراء : الو مين معايا
خالد بنرفزة : وانتي مين بقى انتي كمان
اسراء : انت الي مين انا صاحبة الموبيل ده
خالد : انتي اسراء
اسراء : ايوة عاوز اية بقى
خالد : انا خالد
اسراء : وعاوز اية يعني ومتصل على موبيلي لية
سارة : بقلك جيبي الموبيل ده خليني اعرف المو قليل الادب ده
خالد : قولي للجمبك دي تتلم بدل ماجي اربيها
اسراء : تربي مين انت الي اتلم وماتتصلش هنا تاني

وقفلت في وشو
سارة : مين ده وعاوز منك اية
اسراء : وانتي مالك

وسابتها ودخلت قوضتها واتصلت على موبيل نهى لقيتو مقفول اتنرفزت اكتر واتصلت على موبيل اختها

دينا : اهلا يا اوشه
اسراء : هو نهى فين
دينا : نايمة
اسراء : معلش صحيها وخليها ترد عليا وتفتح موبيلها
دينا : حاضر

دخلت دينا تصحي نهى

دينا : نهى ....نهى .....نـــــــــــهــــــــــــــى
نهى : ايوة عاوزة اية
دينا : اسراء بتقولك افتحي موبيلك عوزة تلكمك
نهى : حاضر

ومشيت دينا ...قامت نهى تفتح موبيلها واول مافتحتو لقيت اسراء بتتصل

نهى : ايوة يا اسراء
اسراء : متشكرة اوى يانهى هانم على الي عملتة ده
نهى : اية عملت اية
اسراء : مافيش داعي تقولي حاجة استاذ خالد قال كفاية
نهى : اية خالد وجاب نمرتك منين ده مجنون ده ولا اية
اسراء : معرفش بقى اسالي نفسك وياريت تقوليلو اننا ناس محترمة وحسابو معايا بعدين مش دلوقت
اما انتي فياريت ماشفش نمترك تاني على موبيلي ولا عاوزة اعرفك تاني

وقفلت الموبيل في وشها ....حاولت نهى تتصل على اسراء تاني لقيت الموبيل مقفول ...فاتصلت على
خالد الي لقيت موبيلو مشغول ولسة بتحاول تتصل علية تاني لقيتو بيتصل

نهى : انت اية الي عملتو ده
خالد : صاحبتك دي بجد انسانة قليلة ال.........
نهى: خالد احترم نفسك وماتقلش حاجة على اسراء
خالد : دي اصلا وحده مش بتحبك وانانية وزبالة
نهى : بقلك احترم نفسك وماتتصلش هنا تاني ولا عوزة اشوفك ولا اسمع صوتك

وقفلت الموبيل في وشو وحاولت تتصل تاني على اسراء بس لقيت موبيلها على طول مقفول ...
فضلت طول اليوم تحاول تتصل بيها وكل مايتصل خالد تكنسل علية وماتردش علية ولا على اي نمر تانية
لحد ما تعبت وراحت في النوم وبعد ما نامت بربع ساعه جتلها مسج اول مافتحتها لقيتها من اسراء
اتبسططت بس للاسف ماكملتش فرحتها لما قرات المسج

اسراء : حسبي الله ونعم الوكيل

اتنفض جسم نهى وبدات تحس ان روحها بتتسحب منها فا اتصلت على اسراء عشان تفهم منها حصل اية
او حتى تعرف اية سبب المسج ده واخيرا لقيت الموبيل رن بس اتكنسل عليها رجعت اتصلت تاني واخيرا ردت

نهى : ايوة يا اسراء في اية
سارة : انا مش اسراء
نهى : طيب ممكن اكلمها
سارة : اسراء بتقولك مش عاوزة تسمع صوتك او حتى تعرفك تاني كفاية اوى لحد كده
نهى : ارجوكي يا سارة عوزة اكلمها
سارة : هيا قدامي وهيا الي ادتني الموبيل عشان مش طايقة ترد عليكي وخلاص بجد كفاية
نهى : طيب يا سارة فهميها اني ما..........
سارة : انا مش هفهم حاجة لحد وخلاص كل حاجة انتهت باى

وقفلت السماعه كان الموبيل لسة على ودنها وعمالة تسمع الصوت تاني وتالت وتفتكر كل كلمة اسراء
قالتها او سارة قلتها مش قادرة تتصور الي بيحصل في يوم وليلة كل الدنيا اتغيرت والوضع اتقلب
ده لسة اسراء امبارح كانت بتكلمها وبيهرجو مع بعض معقولة الموضوع اتقلب كده خلاص كل حاجة انتهيت

"ن: انا كده انتهيت خلاص اسراء مش عاوزة تعرفني تاني وجرحت اسلام وعذبت ناس كتير ولسة بعذب
ناس حبيتهم .. انا لازم انتهي لازم اختفي من كل الدنيا خلاص لحد هنا وكفاية بجد وجودي مالوش اي معنى
من غير الناس الي حبيتهم والي جرحتهم لازم اموت لازم اموت

قطع تفكيرها صوت اختها دينا

دينا : يلا يانونة اجهزي احنا هننزل دلوقت على البحر
نهى : لا مش عوزة انزل روحو انتو
دينا : يانهى بقى عشان خاطري
"ن : لالا انا هروح هو ده المكان المناسب الي هقدر اموت فية من غير اي تعب ده الي قدامي لازم اروح
لازم انتهى هناك وسط الماية وقدام كل الناس يمكن لما اموت اسراء تسامحني وماتزعلش مني
ويمكن ترتاح اكيد انا هريح ناس كتير بالي هعملو ده

دينا : اية رحتي فين
نهى : مافيش خلاص انا هنزل معاكم
دينا : ياحبيبتي ربنا يخليكي

"ن: ههه يخليني ...لا انا خلاص ده اخر يوم في حياتي

اما النحاية التانية

اسراء : مش قلتلك مليون مرة ماتمسكيش موبيلي كنت بتعملي بية اية دلوقت
ساره بفرحة : ولا حاجة بلعب لعبة واخيرا فزت
اسراء : والله لو جيتي جمب موبيلي تاني لاكون مورياكي
سارة : ولا تاني ولا تالت انا عملت الي عوزاه

وخرجت من القوضة فضلت اسراء تدور في الموبيل يمكن تفهم حاجة من الي عملتها اختها لكن ماوصلتش
لاي حاجة
"س: اكيد مالحقتش تعمل حاجة

اما اسلام كان عايش حياتو بجد ولااكن في حاجة حصلت ولا فارق معاه اي الم سببو لنهى وماكنش مجروح
زي منهى كانت فاكرة بالعكس عايش حياتو وبيدحك ويهرج وبيخرج مع اصحابو هو اول يوم بس افتكر
الي عملتو معاه حبيبتو زمان عاش نفس اللحظة كان فاكر ان الي قدامو حبيبتو القديمة حاول يرد
كرامتو من تاني ومايضعفش قدمها للحظة وفرح جدا بالي عملو وبدا يعيش حياتو طبيعي جدا
دلوقت بس بقى يقدر يحب من تاني ولا هيفكر في نهى للحظة ....

نرجع لنهى الي صممت انها تنهي حياتها قدام اهلها صحيح هيا حسة بالذنب لانها هتوجع قلبهم
عليها بس في رائيها وجع ساعه ولا وجع كل ساعه ...كانت ماشية مع اختها الي بتحاول تهرج معاها
وتخليها ترجع لطبيعتها من تاني كانت على طول ساكته مستنية توصل للبحر ...واول ما وصلت اعدت معاهم شوية

"ن: هتوحشوني كلكو بس هعمل اية لازم اريحكو مني انا عارفة اني تعبتكو كتير ولسة هتعبكو
لازم ترتاحو مني انا اسفة بجد لو كنت سببتلكو اي لحظة الم او حزن بجد اسفة ليكو كلكو ماكنش قصدي
اجرحكو او ادايقكو ....ياريت يا اسراء انتي كمان تسامحيني مع اني عارفة انو مش سهل عليكي ابدا
الي حصلك بسببي .... وانت يا اسلام يااااااااارب تنساني وتنسى جرحي ليك وخيانتي الي مش هتقدر
تسامحني عليها .... يارب سامحني

قامت نهى ومشيت نحية البحر بخطوات ثابتة جدا كانت عنيها كلها حزن والم على فراق اهلها وفراق
اعز اصحبها وحبيبها راحت للبحر الي ديما كانت بتشتكيلو هموما وبتحكيلو الامها راحت تترمي في حضنو
فضلت ماشية ناحيتة لحد ملمست الماية رجلها وقتها قلبها اتنفض وبدات تحس بالخوف ..بس استمرت في مشيها
وكل ما الماية تزيد تحس ان روحها بتتسحب منها اكتر واكتر لحد ما بدات تعوم شوية شوية وتدخل
اكتر واكتر لجوة البحر بدات تسمع صوت اختها بتناديها واصوات ناس كتير حواليها بتحاول تحزرها من الدخول
اكتر لجوة الماية وشوية شوية بدات الاصوات دي كلها تختفي معادا صوت واحد كان بيقرب منها اكتر
في اللحظة الي كانت مستسلمة فيها تماما للموت ووقفت ايديها وريجليها عن الحركة وغمضت عنيها لقيت صوت اختها
بيقرب منها جدا لحد ما بقى جمبها على طول وفجاءه فتحت عنيها .....لكن ...................













مالقيتش نفسى في ماية ولا حاوليها اي حاجة واختها واقفة قدامها عمالة تدحك

نهى : هو في اية
دينا : انتي الي فية اية عمالة تقولي كلام غريب واكنك في البحر وبترحركي رجلك كانك بتعومي
نهى : اية مش فاهمة حاجة
دينا : انا الي مش فاهمة حاجة قومي ياماما اسراء كسرت الموبيل عليكي وانتي مش بتردي
نهى : اسراء
دينا : ايوة هو انتو مش متفقين ان اول يوم في الجامعه تنزلو مع بعض
نهى : اول يوم في الجامعه
دينا : اية في اية انتي فقدتي الذاكرة ولا اية ....عموما ابقى افتكري براحتك اسراء بتقولك مش هتنزل
الجامعه النهارده مش هتقدر تنزل وهيا صايمة
نهى .................
دينا وهيا خارجة من القوضة : اه واعملي حسابك مش تتاخري في الجامعه النهارده عشان خالك جاي يفطر معانا
نهى : يفطر لية
دينا : مش بقلك فقدتي الذاكرة احنا في رمضان

وخرجت دينا وسابت نهى تفكر وتحاول على رئيها ترجع ذاكرتها لورا واخيرا افتكرت

"ن: هههههههههه معقولة كل ده حلم يالهوى يعني انا ماشفتش اسلام اصلا ....والنهارده اول يوم رمضان
الي هو المفروض اشوف فية اسلام ....ههههههههههههههههه يخربيت الجنان الي انا فية معقولة حلم
لمده سنة ههههههههههههههههههه انا اتجننت الحمد الله

قامت نهى وهيا عمالة تدحك على نفسها غيرت هدومها ونزلت الجامعه وطبعا افتكرت انها كانت هتقابل
رئيس القسم بتعها النهارده عشان ينزلها تدريب الصحافة وبعد ماوصلت عند مكتبو ولقيتو كالعاده مشغول
ووقفت تستنى برة لحد مايخلص

"ن : المفروض تيجي دلوقت مروة وتدخل وانا اتنرفز واجي ادخل اتشتم .......ههههههههههههههه
يالهوى ده انا مسخرة بجد اتجننت .....اما اشوف بقى مروة هتيجي ولا لاء

بصت نهى حواليها ومالقيتش مروة جت

"ن: اهو مروة ماجتش والحلم طلع كلو فاشووووووووووش انا لازم استغطى قبل مانام بعد كده لحسن احلم
بحجات تانية فووووووق القانون هههههههههه ااااااااااااااااااااااااااايه ده اسلام ....

لقيت شاب بيقرب منها وبيقف جمبها

"ن: لا هو بجد نفس الشكل نفس الطول ده حتى نفس اللبس ...ايه ده كمان السلسة هيا نفسها لا انا كده
اتجنـــــــــــــــــــــــــــــــــــــــــنت

قربت من الشاب

نهى : هو انت في فلسفة
الشاب : ايوة انا جديد في الدفعه انا سنة تالته فلسفة لسة جي من تربية و.........

"ن : هههههههههههههههههههه كملت ربنا يستر بقى واتعلم من الحلم ههههههههههههههههههههههههه


انا عارفة اني هتضرب بالقوطة وحجات تانية كتير
بس استنو شوفي كان قصدي اية بالقصة
دي وبالنهاية دي

اولا : اهم حاجة في قصتي هو موضوع الحب من طرف واحد ودي اكتر حاجة شغلاني لاني بجد
بحس ان الي بيحب من طرف واحد هو الي بيعذب نفسو على الفاضي صحيح الحب مش بايدينا
بس بيدينا نتحكم في لسنا بنحاول نخلي الحب ده بينا وبين نفسنا او على الاقل نقرب بشويش
نشوف في امكانية اننا ندخل القلب ده ولا في حد تاني جواه .... مش لازم نفهم ان اي حركة جدعنه من حد
من صحبنا معنها حب وهيام وغرام ...لا ابصلوتلي بجد لازم نخلي بلنا من موضوع الحب من طرف واحد
كتير اوي اتعذبو منو مش بس الي بيحب لا والي بيتحب كمان بيبقى خايف يجرح انسان حبو وخوفو ده
ممكن يخلية يجرحو اكتر المفروض من الاتنين انهم يفهمو بجد بعض ويتفاهمو مع بعض من اول الموضوع
مش يسيبو الايام تكبرو ..... كتير منا لما يلاقي حد بيحبو يقلك طيب فيها اية واحد بيحبني وبيخاف عليا
وبيعملي كل حاجة لية ماحبوش (زي مانهى عملت مع خالد ) لكن لما الواحد ده ( الي هو خالد )
يغير تعاملو ويبدا يتعامل بطبعتو شوية وبمعنى اصل تبان حقيقتو ولو كان في عيوب بسيطة جدا
نلاقي الطرف التاني ( الي هيا نهى ) بدا يتخنق ويقلك لاء انا مش عاوزو ومش بحبو انا اكتشفت ده في الاخر
بس بعد اية بعد ماعذب انسان مالوش اي ذنب غير انو حبنا واخلصلنا بجد ..... ياريت ياجماعه نخلي
بالنا من موضوع الحب من طرف واحد لانو بجد بيوجع اووووووووووووووووووووووووووووووووووووووووووووووي
واسئلوني انا مدوباهم اتنين



اما بالنسبة للنهاية
انا حبيت انها تكون مختلفة شوية مش كل النهايات فرح وسعاده واتجوزو وعاشو في تبات ونبات
ومش كل النهايات البطل مات والبطلة وراه والمخرج والمشاهدين برضو
حبيت تكون نهايتي من استايل خااااااااااااااااااااص صحيح هيا ممكن تحرق دم البعض ويدحك عليها البعض
بس صدقوني دي اجمد نهاية في رئي


يارب اكون قدرت اوصلكم فكرتي من خلال القصة دي وقدرت ابينلكم قد اية الحب من طرف واحد بيوجع


وان شاء الله هحاول اعملكم قصة تانية بس انتو قولو ياااااااااااااااااااااااااااااااااارب



اصــــــعــــــب حـــــب

المشاركة الأصلية كتبت بواسطة wHiTe fLoWeR انا بجد حاسه انى مش فاهمه اى حاجه فى اى حاجه بجد حاسه انى غبيه بسهيه بجد جميله جدا جدا وحسيت بكل كلمه فيها بجد انتى ابدعتى تسلمى ياقمر الا انى مش فاهمه النهايه ممكن توضحيها

ياستي النهاية انها كانت بتحلم ان كل ده حصل
وفي الاخر بعد ماصحيت من النوم وكانت فاكرة نفسها ميتة
لقيت ان الحلم بدا فعلا يتحقق وحاولت تاخد بالها من
حياتها وماتغلطش نفس الغلطة مرة تانية
يارب تكون وضحت



وشكراااااااااااااااااا ليكي على الرد ياقمر
وعلى متابعتك للقصة

المشاركة الأصلية كتبت بواسطة wHiTe fLoWeR مش عارفه اقلك ايه بجد انى كنز والله بجد بجد تسلم ايدك اصل انا كنت لسه هقع فى الحوار ده بس انتى انقظتينى ميرسى ليك بجد ومستنيه ابداعك الجديد ان شاء الله

هيه هيه هيه هيه هيه
قدرت انقذ حد الحمد الله
كويس بس المشكلة ماكنتش
قادرة انقذ نفسي ووقعت فعلا
بس الحمد الله ربنا انقذني

قولي يارب بقى

هههههههههههههههههه
بجد النهاية رووعه و جميلة كمان
انا مش عارفة اقولك ايه عن ابداعك و اعجابي باسلوبك
و اللحظات الممتعة في القصة
بجد حاجات كتير اوي عجبتني فيهاا
انتي بجد ابدعتي ابدعتي جداااااااااااا
و طلعتي موهوبة في سرد القصص ...
بجد بجد انا بشكرك ع القصه اللي اخدت منها عبرة
و انا فعلا دلوقتي بحب من طرف واحد و لازم انهيه
اذا ملقتش رد م اللي بحبه ...~
بجد بجد يا اصعب حب


الحب من طرف واحد فعلا فعلا اصعب حب


و شكرا ليكي يا قمر .. و انا متشوقة جدا لقصة جديدة منك
و النهاية روعه روعه روعه .. و مش عارفة ليه حاسه انها قصة حياتك ..
هههههههههههههههههههههههههههههه
مرسي جدا يا قمر .. فعلا انتي تعبتي في القصة جميلة جدا
مش عارفة اوصفلك مدى اعجابي
ع العموم ... استمري في تقدمك و ابداعك يا قمر ...~
و القصة في غاية الجمــــــــــــــــــال ...~




تقبلي تحياتي : دلعـ زماني ...~

اصعب حب انتى بجد موهوبة
القصة تحفة وفعلا النهاية بالرغم انها غريبة ومكنتش متوقعاها خالص
بس بعد شوية لقيت ان فعلا دى احسن نهاية للقصة
ومكنش هينفع لها اى نهاية تانية
فى انتظار مزيد من ابداعاتك
تقبلى منى ارق تحية