بسم الله الرحمن الرحيم


الموضوع دا خاص بالمشرفين ويليهم العمدة كمان

باختصار انا عندى كام تعقيب على بعض حاجات موجودة هنا فى السايت
لاحظتها فى الفترة القليلة الة اشتركت معاكم فيها
وقلت لازم اقولها عشان تاخدو بالكم منها ربما متكنوش شيفنها زى مانا شيفاها
او جايز تكون عادية وانا الى مكبرها زيادة عن اللزوم
اول حاجة لفتت نظرى هنا:
تكرار المواضيع مع اختلاف عناونها ودى موجودة كتير جدااااا
وفيه كمان ناس عاملة مسابقات واسئلة ذكاء فى اقسام حوارات ومناقشات

وفيه كمان واحد عامل قصة حياة مايكل جاكسون فى قسم الاغانى
يعنى لخبطة فى لخبط

حتى ولو حصل وتم نقل اى موضوع لماكن المناسب بيبقى موجود وعليه كلمة ( منقول )
ومش عارفى لازمتها ايه يبقى فى نفس المكان طالما اتنقل للقسم المناسب
وحاجة تانية يعرف منين العضو الى كتب موضوع انه اتحزف او اتنقل؟
يبقى دور المشرف انه يبعتله رسالة على البروفايل بتاعه ويعرفه مصير الموضوع سواء بالنقل او بالحزف

على فكرة انا مش بقلل من دور المشرفين لا سامح الله لكن انا بقول جايز مش واخدين بالهم

نيجى بقى للنقطة المهم:

معظم الواضيع المثبتة مش شايفة انها مهمة لدرجة انها تفضل مثبتة فترة كبيرة
وفيه مواضيع تانية ليها هدف وبتتكلم عن قضية حصلة فى حياتنا ومع ذالك مش بتتثبت
او بتاخد وقتها فى الردود وبعد كدا تبعد من الصفحة الرئيسية.


ملاحظة اكبر من كل ده
وهى ان اغلب المواضيع المثبتة بتكون للمشرف الى ماسك القسم
ودا شوفوه بعنيكم كويس وهتلاقو الكلام مظبوط

شوية حاجات لاحظتها وحبيت اتكلم عنها عشان تعرفوها وكمان صاحب القهوة

يعرفها جايز يكون مشغول ومش بياخد باله من الحاجات الصغننه دى
لانه معتمد على المشرفين الى اداهم ثقته وولاهم اشراف الاقسام المخصصة ليهم

مش عاوزة حد ياخد كلامى على انه تعديل على شغلهم
واو يفكر انى مش عاجبنى شغلهم
لكن دى وجه نظرى فى بعض الحاجات الى شيفاها
ودا لصالح القهوة عشان تفضل منظمة ومرتبة فى طريقة عرض المواضيع والحوارات


وتحياتى

المشاركة الأصلية كتبت بواسطة F!GoOo أنا هتكلم عن أركاني علشان مليش جعوه بالاركان التانيه لوانتي بتدخلي اركان السينما قوليلي فيلم واحد منزله عضو بحقوق المنتدى فانا مش بلاقي توبيكات تتثبت غير توبيكاتي......... هي دي النظريه

مش بتكلم عن ركن الافلام
وبعدين فيها ايه لو حد نزل فيلم جديد مش من حقوق المنتدى وانه يكون من منتدى تانى
والعضو شاف حصرى ويزود زوار المنتدى
بس ماعلينا دى مش قضيتى ومفهمش فى حقوق المنتديات كتير
لكن انا مش بقصد كل المشرفين انا بقصد الاقصام الى فيها مناقشات وحوارات
واغلبها ولا مناقشات ولا حوارات
تدخل موضوه عنوانه يجزبك وتقول اكيد الموضوه دى جامد وليه هدف كبير
تدخله تلاقيه مقلب او خفة دم من العضو
طب فين بقى دور المواقب او المشرف
مش المفروض يكون مكانه فى قصم الالعاب والنكت
ولا ايه يافيجو
وبعدين فين الاغنية الى طلبتها منك فى القسم بتاعك ؟
اوعى تكون نسيت!!!

ميرسيه لمناقشتك الموضوع

المشاركة الأصلية كتبت بواسطة *MeRoOoOo* النقد حلو بردو بالنسبه للتثبيت ياقمرى المفروض دورنا كمعلمين اننا نثبت بردو المواضيع اللى ليها قيمتها مش اى مواضيع وخلاص لان مش اى حد كاتب موضوع يبقى نثبته المواضيع المميزه واللى فعلا تستحق التثبيت بتتثبت وعمرنا ما نقدر نقصر فى حق حد عامل شغل كويس ******* وبالنسبه للنقل صاحب الموضوع يعرف منين هقولك انه بيدور على موضوعو فى ملفه وهيعرف اتنقلت فين او من لوحه التحكم ممكن يلاقي موضوعه المواضيع للاسف اللى مش فى مكانها كتيره ((لان للاسف بردو القوانين كتيره بس مين بقى يحن و يجى يشوفها)) يعنى تقريبا 60% من اللى هنا هيتبعتلهم رساله علشان يعرفو موضوعهم اتنقل فين هنبقى فاضيين لترتيب المواضيع ولا لتظبيط الركن ولا لبعت رسايل ولا ايه ولا ايه؟ ******* بالنسبه للمواضيع اللى مش فى مكانها.. والمفروض مش احنا بس اللى لينا دور فى المنتدى المفروض الاعضاء كمان يهتمو شويه ويعتبرو نفسهم هم مشرفين القهوه ويشوفو ايه الصح ويعملوه مش يكتبو مواضيع فى اماكن واحنا اللى علينا ننقل وتيجى تقولى اننا اللى مقصرين؟ مش كده بردو ***** واكيد كل مشرف فينا هيقول عن الحق ويكلمك فيه

متنسيش ان فيه اعضاء جداد مش بيعرفو فين ينزلو موضوعهم وكمان مش بييجى على بالهم لوحة التحكم او الملف
العضو بيكتب موضوع ويخرج ويرجع تانى مش بيلاقيه ممكن يصاب بحلة احباط ويعتقد ان موضوعه مش مهم او مش مكتوب كويس
متنسيش بردك حالة العضو الى داخل يكتب عشانم يعرف وجه نظر باق الاعضاء فى كلامه
اما بالنسبة لكلمة( مقصرين) فانا مقلتهاش وعمرى مقولها ابدااا
انا قلت دا تعقيب مش تقصير
وتوضيح لنقطة جايز متكونيش واخدة بالك منها
اشكرك على مناقشتك ياميرو

بصى يا قمر بما انى كنت مشرفة وكان شغلنا كالاتى
التوبيك الى بتنقل عندا فى القسم بيبقى مكتوب منقول
وبكتب نقلة لية والتوبيك المكرر اكيد بقفلوا وبقول السبب وبحط لينك كمان يعنى مافيش اى مشاكل
نيجى بقى بالنسبة لنقطة التثبيت فى اقسام مينفعشى يتثبت فيها اى حاجة يعنى القسم الى كنت مساكة كان بنزل اكتر من كذا موضوع كلهم فى متهى الجمال والقيمة ومكنشى بيتثبت كلهم
كنت بثبت الى بحس انوا يبقيد وكانت مدة التثبيت لا تقل عن 3 ايام او تزيد عن كدى الا لو لقيت لسة
فى ردود مستمرة فبيستمر وغير كدى المسابقات كان لازم تتثبت لان دى بتستمر ولازم
تبقى تحت عين كل الى يدخل القسم
وميرسى ليكى انا اتكلمت بالنسبة للقسم الى كنت مسكاة

المشاركة الأصلية كتبت بواسطة بنوته مطرقعه وجهة نظرك مقبوله يا قمر بس انا مش هقدر اتكلم عن الركن بتاعى دلوقتى لانه متلخبط شويه بس حكاية النقل زى ما ميرو قالتلك كده هيعرف من ملفه الشخصى لان المواضيع الى بتتنقل كتير وهنفتك مين ولا مين

ربنا يكون فى العون يا بنوتة
بس وجه نظرى بردك ان المشرف شغلته يتعب فى دوره ويوفر كل الراحة للعضو
ولا هو الاشراف كلمة عادية كدا وخلاص
دى مسؤلية كبيرة ودور مهم
امنتم الى بتشيلو المنتدى وبتتعبو فى تنظيمه مش هتيجى على حاجة بسيطة زى دى
وربنا معاكى فى تظبيط القسم بتاعك
تحياتى ليكى ياقمر

المشاركة الأصلية كتبت بواسطة No 0nE K!ll Me بص يا معلم انت اتكلمت فى كذا حاجة مهمة بالنسبة للخبطة بصراحة انا مش شايف لخبطة ... لان اى حد بيحط موضوع ،، فابيحطه بناء على نوعه يعنى موضوع اغانى ،، فى قسم اغانى ،، صور فى قسم الصور ولو حصل خطأ من عضو ،، فابيتم تداركه من قبل المشرفين ويقومو بنقله للمكان الصحيح المشرف بيبحث عن مضمون الموضوع وبيتم فرز المواضيع المتشابهة واغلاق المكرر يعنى مش بنبص عالعناوين بس اما دى بقى فعشان صاحب الموضوع يعرف ان موضوعه اتنقل من القسم ده للقسم المناسب وبمجرد مايدوس عليه فبيتم تحوله للقسم المنقل اليه // بدل مايخش القسم اللى نزل فيه يلاقى موضوعه اختفى بالنسبة للنقل ،، هى دى وظيفة كلمة منقول اللى قلتلك عليها من ثوانى وبالنسبه للحذف فامش بيتم الا لموااضيع تستاهل الحذف (( مش لازم تعرف ايه هى )) لانها بينا وبين الادارة التثبيت لمدة 3 ايام لكل موضوع ولو قريت القوانين فاهتعرف كده كويس اما لو الموضوع اتثبت اكتر من كده،،، بيبقى موضوع حصرى او موضوع فى قسم نايم ،، مفيش حاجة تتستدعى اننا نفك تثبيتو وبس

اولا انا بنت مش معلم
طب ولازمتها ايه كلمة منقول جنب الموضوع متنقله على طول ويبقى فى مكانه الاصلى
وخلص الحوار على كداا
وبعدين ياريت تتعب نفسك شوية وتدخل قسم مواضيع بحق وحقيقى وشوف اكتر موضوع هيجزبك
وادخله هتلاقيه مقلب من عضو او دردشة فى كلام فاضى زى واحد بيقول انت بتشرب ايه دلوقت وانت عالنت!!!!!!
ومتنساش ان الاعضاء الجدد مش بيعرفو فين ينزلو مواضيعهم فبيحطوها فى اى مكان وخلاص
ياجماعة المقصود من كلامى المصلحة العامة للمنتدى ومش حاجة تانية
بصراحة انا اتعودت ان لما اكون فى مكان لازم يكون اجمل واحسن الاماكن ودا الى عجبنى فى المنتدى ده
وعشان كدا عوزاه يبقى افضل واحسن منتدى عربى
اشكرك يامعلم عالمشاركة

المشاركة الأصلية كتبت بواسطة عيون عاشقة بصى يا قمر بما انى كنت مشرفة وكان شغلنا كالاتى التوبيك الى بتنقل عندا فى القسم بيبقى مكتوب منقول وبكتب نقلة لية والتوبيك المكرر اكيد بقفلوا وبقول السبب وبحط لينك كمان يعنى مافيش اى مشاكل نيجى بقى بالنسبة لنقطة التثبيت فى اقسام مينفعشى يتثبت فيها اى حاجة يعنى القسم الى كنت مساكة كان بنزل اكتر من كذا موضوع كلهم فى متهى الجمال والقيمة ومكنشى بيتثبت كلهم كنت بثبت الى بحس انوا يبقيد وكانت مدة التثبيت لا تقل عن 3 ايام او تزيد عن كدى الا لو لقيت لسة فى ردود مستمرة فبيستمر وغير كدى المسابقات كان لازم تتثبت لان دى بتستمر ولازم تبقى تحت عين كل الى يدخل القسم وميرسى ليكى انا اتكلمت بالنسبة للقسم الى كنت مسكاة

يمكن كلامك صح بالنسبة للقسم الى كنتى ماسكاه
لكن انا بتكلم عن اقسام فيها مواضيع مش مكانها الاصلى
وشايفة ان كلمة منقول بتزود عدد الصفحات عالفاضى فيها ايه لو الموضوع اتنقل للقسم المناسب واتحزف من القسم التانى
حتى ميبقاش فيه تكدث فى المواضيع وعدد الصفحات
اشكر على ردك يامشرفة سابقااا
نورتينى

المشاركة الأصلية كتبت بواسطة F!GoOo انا بسيبه التوبيك بس بحدود يعني ميكنش مكتوب اسماء مواقع تانيه ومينفعش يتثبت لان دي هتسببلي انا مشاكل وحكاية زوار المنتدى طيب مالزائر اللي هييجي هيلاقي اسم موقع تاني على الفيلم هيروح الموقع التاني مش هييجي هنا

طبعا مينفش نسببلك مشاكل لاقدر الله
ودا قسمك والى بتشوفو صح اعمله
اما بالنسبة للزوار الى بتدخل عشان تنزل فيلم او اغنية مش بيهمها
الموقع ايه او فين
والا كانو اشتركو من نفسهم فى المنتدى الى انت خايف يروحوه
اغلب الناس بيهمها التنزيل ومن غير ميعرفو حتى صاحب المكان اسمه ايه
وبعدين مفيش حد يدخل القهوة ويفكر يروح مكان تانى خالص
ولا ايه ؟

المشاركة الأصلية كتبت بواسطة ** عاشــ الوهم ـــق ** انا جاى هنا بعد الفااااااااااااااااااااااصل

انت فاكر نفسك داخل سينما ولا ايه
داخل تحجز كرسى فى الامام وترجع اول ميبتدى العرض
هههههههههههههه
ادخل يابنى الاماكن كلها فاضية انت شايف الدنيا زحمة يعنى
يلا قول كلمتك