قصة ايمو وانتيمو ..,,

**мємє** · #1 (**permalink**) 12-11-09, 03:52 PM

السلام عليكم و رحمه الله و بركاته

حكتبلكم حوار دار بين أيمو و أنتيمو و دول شابين أيمو حلوين خالص مالص .. حاجه تفرح يعنى

أيمو : هاى
انتيمو : هاى عليك
ايمو : عامل ايه النهارده
انتيمو : الدنيا وحشه خالص اووف مش عارف اعمل ايه انا بفكر انتحر
ايمو : لا يا مجنون اوعى تتهور انت الاحسن تتعور و حتنسى كل حاجه
انتيمو : انا خلاص ايدى بقت شوارع من كتر التعاوير اووف اعمل ايه يا ربى مش حعرف البس نص كم تانى
ايمو : خلاص طيب تعالى نخرج النهارده مع البت بتاعتى انت اخويا بردو و نشهيص سوا
انتيمو : طيب نروح فين؟
ايمو : ياااى عليك المهم ننزل و خلاص ممكن نروح اى حفله كول
انتيمو : هى حفله تامر امتى
ايمو : الساعه 8 النهارده
انتيمو : طب ما تيجى نروحها بقى و خلاص
ايمو : عندك حق دى احسن مكان للأيمو على الاقل نلاقى ناس كده كتير شبهنا
انتيمو : خلاص كده بيس عليك و نظبط بقى بالليل
ايمو : صحيح حتكوى شعرك فين ؟؟
انتيمو : الكوافير اللى تحت بيتنا مامى زبونه عنده حيظبطنى
ايمو : طب ايه اريك اجى لك و نكوى سوا
انتيمو : كول يا ايمو طبعا موافق
ايمو : طب كده معادنا الساعه كام
انتيمو : زى ما تحب خليها 4 مثلا
ايمو : مربعه خليها 3 بقى علشان نلحق
انتيمو : بيس عليك يبقى 3 تعالى انده عليا من تحت و انزلك
ايمو : لا انده ايه انا كده صوتى ممكن ينجرح .. انا حبعتلك مع البواب بتاعكم علشان انتوا فى الدور الرابع و السلم كبير عليا
انتيمو : فعلا عندك حق انا كمان بتعب اوى و بكح جامد موت و انا طالع
ايمو : يااااى حاجه صعبه خالص
انتيمو : علشان تعرف ان ليا حق انتحر
ايمو : انا خوفى كله من الجيش ده بيقولوا انهم بيحلقوا شعرهم خالص كده مفيش كوى تانى
انتيمو : ليه السيره اللى تتعب دى يا ايمو بقى .. انا بترعب من كلمه جيش دى اوووف بقى
ايمو : اووف خلاص بقى قفل عليها
انتيمو : خلاص طيب يبقى معانا الساعه 3 بقى
ايمو : باى عليك
انتيمو : باى

و لما جه الميعاد بتاعهم ..

عم عبده البواب : فى شاب سيس عاوزك تحت
انتيمو : اخس عليك راجل جاهل سيس ده ايه ده ايمو
عم عبده البواب : ايمو ايه و بتاع ايه و انا اش خبرنى اهو انا بلغتك و خلاص
انتيمو : يا رب تقع و انت نازل على السلم و يجيلك واوه فى رجلك

و لما نزل انتيمو ..

ايمو : ااااااى اااااى اوووف بقى
انتيمو : مالك فيك ايه
ايمو : دوست على طوبه فى شارعكم ده مش تسفلتوه
انتيمو : يا خبر .. طب صوبعك كويس؟
ايمو : مش عارف بيوجعنى اوى
انتيمو : اوووف على الحظ الهباب و بعدين بقى
ايمو : تعالى نمشى من هنا هى الناس بتبص لنا كده ليه سندنى و يلا نمشى
انتيمو : ناس جاهله مايعرفوش يعنى ايه ايموز
ايمو : عندك حق يلا بينا بسرعه بقى
انتيمو : يلا بينا
ايمو : طب انا عاوز ادخل الحمام دلوقتى و انت فى الدور الرابع
انتيمو : هو فى مبوله قريبه من هنا بس دول ناس متوحشين ممكن ماتطلعش من جوه ايمو .. تطلع حاجه تانيه خالص
ايمو : اوووف بقى مش قادر
انتيمو : تعالى نروح حفله تامر و اكيد فى حمامات هناك
ايمو : طيب يلا و انا استحمل بقى و خلاص

و راحوااا حفله تامر
ايمو لقى شاب متتامر معدى من ادامه

ايمو : يا انت ماتعرفش الحمام فين؟
المتتامر : على ايدك الشمال كده و انت ماشى و اوعى العتبه
ايمو : ثانكس ليك كتير
انتيمو : يااااه معقول ده اللى انا شايفه؟
ايمو : ايه يا انتيمو خضتنى
انتيمو : ده فى حمام لنا مخصوص

ايمو : اووووه مااااى جاااااد معقول؟

انتيمو : اه يلا ندخل نتصورلنا صوره فيه
ايمو : يلا بينا
انتيمو : هاااااى عليكم يا شباب
كلهم فى صوت واحد : هاااى بالعبيط

يتبع ..

from:group 3la facebook

**7amzawy** · #2 (**permalink**) 12-11-09, 07:02 PM

ههههههههههههههه loool
-
ربنا يحمينا انا مره شوفت اتنين ف سيتى ستار ع الى الناس قالوهولهم ف الدقيقه دى
صراحه حقهم يشرحو ايديهم هههههه
-
ثانكس يا عسوله مستنين الباقى
-

**Rouro** · #3 (**permalink**) 12-11-09, 08:36 PM

حلوة جدا
مستنية التكملة

تسلم ايديكي
و العيال دي بايزة خالص على فكرة!
عندنا منهم كتيير هنا و الناس بتتقرف منهم!!!!

هههههههههههههههههههههههههه

**Ro0Ny** · #4 (**permalink**) 12-12-09, 01:31 AM

هههههههههههههه يالا فانتظار التكلمة

**محمد غازى** · #5 (**permalink**) 12-12-09, 01:52 AM

اقتباس:

المشاركة الأصلية كتبت بواسطة мємє

[CENTER][B][SIZE=4][COLOR=deepskyblue]انتيمو : هى حفله تامر امتى
ايمو : الساعه 8 النهارده
انتيمو : طب ما تيجى نروحها بقى و خلاص
ايمو : عندك حق دى احسن مكان للأيمو على الاقل نلاقى ناس كده كتير شبهنا

يتبع ..

from:group 3la facebook

هههههههههه
حلوه اوى دى
عنده حق

يسلموااااااااااااا

**برنس الشلة** · #6 (**permalink**) 12-12-09, 01:58 AM

هههههههههههههههه
ايه العيال السيس ديه ديه عيال فرافيرو خالص
ههههههههههه
ونايس توبيك

**a7med 3rafa** · #7 (**permalink**) 12-12-09, 11:37 AM

هههههههههه

دي ناس طبيعية ولا ايه

هههههههه

**мємє** · #8 (**permalink**) 12-12-09, 12:19 PM

اقتباس:

المشاركة الأصلية كتبت بواسطة 7amzawy

ههههههههههههههه loool

-
ربنا يحمينا انا مره شوفت اتنين ف سيتى ستار ع الى الناس قالوهولهم ف الدقيقه دى
صراحه حقهم يشرحو ايديهم هههههه
-
ثانكس يا عسوله مستنين الباقى
-

^^ Thnx Bro
....Hakmel ISa

**мємє** · #9 (**permalink**) 12-12-09, 12:20 PM

[quote=Rouro;1038388405]حلوة جدا
مستنية التكملة

تسلم ايديكي
و العيال دي بايزة خالص على فكرة!
عندنا منهم كتيير هنا و الناس بتتقرف منهم!!!!

هههههههههههههههههههههههههه[/quote

me3'siIiIiI Hunii^^

**&princess&** · #10 (**permalink**) 12-12-09, 12:21 PM

ياختى عليهم
ربنا يحميهم
هههههههههههههههههههه
ويخليهم للماما بتاعتهم
واستمرى بقى ياميمى

**мємє** · #11 (**permalink**) 12-12-09, 12:21 PM

اقتباس:

المشاركة الأصلية كتبت بواسطة Ro0Ny

هههههههههههههه يالا فانتظار التكلمة

ÔK Mozty^^

**мємє** · #12 (**permalink**) 12-12-09, 05:31 PM

أيمو و أنتيمو .. الجزء الثانى

فى الحلقه السابقه

بعد ما راحوا حفله تامر

ايمو لقى شاب متتامر معدى من ادامه

ايمو : يا انت ماتعرفش الحمام فين؟
المتتامر : على ايدك الشمال كده و انت ماشى و اوعى العتبه
ايمو : ثانكس ليك كتير
انتيمو : يااااه معقول ده اللى انا شايفه؟
ايمو : ايه يا انتيمو خضتنى
انتيمو : ده فى حمام لنا مخصوص
ايمو : اووووه مااااى جاااااد معقول؟
انتيمو : اه يلا ندخل نتصورلنا صوره فيه
ايمو : يلا بينا
انتيمو : هاااااى عليكم يا شباب
كلهم فى صوت واحد : هاااى بالعبيط
ايمو : بجد مش مصدق نفسى انا اخش بقى و جايلك
انتيمو : خد بالك السيفون لا تتشفط
ايمو : حاضر حمسك فى الباب كويس

و دخل عامل النظافه

عامل النظافه : على اخر الزمان انظف حمام بتاع ايموز
انتيمو : يا أنت .. هو ليه مفيش حمام للايموز البنات
عامل النظافه : هو انتوا باينلكم ولد من بنت و انتوا كده كده زى اخواتهم يعنى
انتيمو : اخس عليك راجل جاهل ماتعلمتش
عامل النظافه : اسفوخش على اشكالكم
انتيمو : سوفااج

و طلع ايمو بيريط الحزام

انتيمو : يلا بسرعه نلحق الحفله
ايمو : بيس يلا بينا
انتيمو : تعالى هنا صحيح انت قلتلى انك جايب البت بتاعتك ماجبتهاش ليه؟
ايمو : اصل الواد توتو استأذنى انه يخرج معاها النهارده
انتيمو : و بيس و نعمه الاصدقاء
ايمو : يابنى كلنا اخوات يعنى لو عاوز تخرج معاها بيس
انتيمو : يا حبيبى يا ايمو انا مش عارف لو ماكناش ايمو كنت الحياه تبقى ايه
ايمو : اوووف ملل كلها خيانه و ناس متوحشه معندهمش احساس
انتيمو : عندك حق احنا بس اللى نحس ببعضينا
ايمو : هات بوسه بقى
انتيمو : اموووه

واحد معدى : الله يخرب بيوتكم مليتوا البلد

ايمو و انتيمو : جاهل مفيش تحضر
انتيمو : ايه ده؟؟ مش دى البت بتاعتك و توتو ..
ايمو : يا ولاد الجنيه .. بييييبى
بيبى : ايمو وحشتنى صاحبك توتو ده مشكله خالص
توتو : ماقولكش يا ايمو بجد يا بختك
ايمو : يا واد عيب احنا صحاب و ايمو كلنا

و بعد ما خلصت الحفله
ايمو : حفله جامده موت
انتيمو : دى احلى فسحه انا خلاص مش حنتحر
توتو : انا مبسوط ان احنا متجمعين سوا انا و انت و انتيمو و بيبى
بيبى : بقولك يا انتيمو تعالى ارسم لى وشم على ايدى
اتنتيمو : ايه رايك يا ايمو
ايمو : انت بتسأل يا انتيمو بيس طبعا .. ارسم لها قرنين شيطان

(طبعا مش اطول من القرنين بتوعه هههههههههههههه)
انتيمو اخد البت بيبى و اختفوا

توتو : اووف بقى هما اتاخروا كده ليه
ايمو : مش عارف استنانى هنا انا حخش الحمام مزنوق تانى
توتو : طيب تييك كير بقى

و دخل الحمام و شاف منظر مريب

بيبى و انتيمو

ايمو : اووووه مااااااى جاااااااد .. يا خاين
انتيمو : مش قصدى يا ايمو احنا صحاب
ايمو : صحاب تستأذن
انتيمو : سورى يا ايمو
ايمو : خلاص خلاص بس تستأذن دى بتاعتى
بيبى : خلاص حصل خير
ايمو : سورى يا بيبى علشان اتنرفزت موت
بيبى : ولا يهمك يا توتى عادى
انتيمو : اد ايه احنا كوووول

و خرجوا كلهم فى الشارع

واحد معدى : ايه العيال المتركبه غلط دى
واحد تانى : عيال سيس صحيح
واحد تالت : الدنيا بااظت
واحد رابع : استغفر الله العظيم

ايمو : الناس بقت جهله انا لازم اروح بيتنا
انتيمو و الدموع فى عينيه : مستحيل يكون فى كده مستحيل
بيبى : انا مش قادره استحمل اللى انا شيفاه ده انا حاخد توتو و نمشى
ايمو : بيس يا توتو بيس يا بيبى
انتيمو و بيمسح عنيه : بيس يا جماعه
ايمو : تيجى نروح عندى البيت و نقعد شويه نتسلى لحد ما تنسى
انتيمو : ماشى يا ايمو اللى يريحك

و راحوا البيت

ام ايمو : انتوا جيتوا يا ولاد
ايمو : ايوه يا مامى
انتيمو : هاى عليكى يا طنط
ام ايمو : هاى على عيونك يا حبيب طنط

أبو أيمو

ابو ايمو : ازيكم يا ولاد يا ستايل الجيل الجديد
ايمو : هاى بابى
انتيمو : هاى يا اونكل ميس يو
يتبع ..

**Ramy Adel** · #13 (**permalink**) 12-12-09, 05:40 PM

روعة بجد حلوة اوى
اوى اية الشغل العالى دةةةةةة

**حلمي اشوف حلمي** · #14 (**permalink**) 12-12-09, 05:49 PM

حلوه اوووي
ميرسي

**ابلــ مدوخ ــيس** · #15 (**permalink**) 12-12-09, 05:49 PM

هههههههههههههههههههه
يسلموو علي التوبك الجيمل دا
ومستني بقيت الحوارات

المواضيع المتشابهه
الموضوع	صاحب الموضوع	الركن	مشاركات	آخر مشاركة
ايمو	وييمز	قضيهـا.. والنـاس لبـعضيها	4	03-16-09 07:03 AM

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق

!~ آخـر 10 مواضيع ~!