يوميات بنوتة اسمها نيجار ...

**سنة اولى فن** · #1 (**permalink**) 04-22-10, 09:32 PM

السلام عليكم ورحمة الله وبركاته

ازيكم ... عاملين ايه ؟؟؟
يارب دايما تكونوا بخير

قصة يوميات بنوتة اسمها نيجار ...
قصة من تأليفى ..
اتمنى انها تعجبكم وتنول رضاكم ..
وهنبدأ اول الحلقات المشاركة الجاية تابعونااااااااااااا

**innocentoflove** · #2 (**permalink**) 04-22-10, 09:42 PM

واانا اول المتابعين مستنياكى يا موووووووووون

**سنة اولى فن** · #3 (**permalink**) 04-22-10, 09:48 PM

الحلقة الاولى

فى يوم من الايام كانت فى بنوتة اسمها" نيجار "
هى فى كلية اعلام واخوها " محمد "فى كلية طب واخوها"سامى "
فى كليةعلوم وبابها اسمه "الحاج يوسف "ومامتها اسمها"الحاجة سمية "
وكانت نيجار متعلقة بصديقته عمرها"وفاء"
وكانوا فى كلية واحدة

نيجار : ازيك يا وفاء وحشانى

وفاء : ازيك يا نيجار انتى كمان وحشانى غبتى على الكلية كتير كنتى فين ؟
نيجار : ماماكانت تعبانة اوى ومقدرتش اسيبها واجى الكلية
وفاء : سلامتهاالف سلامة عندها ايه ؟
نيجار : حمى شديدة اوى وخايفة عليها
وفاء : انا اتصلت بيكى كتير بس كان موبيلك مغلق على طول
نيجار : متأسفة مرض ماما تعبنى ولخمنى اوى
وفاء :طيب خدى المحاضرات اللى فاتتك وانقليها من الكشكول بتاعى
نيجار : شكراً يا وفاء انا مش عارفة اشكرك ازاى
وفاء : لا شكر على واجب

وبالفعل قامت نيجار بنقل المحاضرات من وفاء وفجأة دخل اخوهامحمد

محمد : ازيك يا نيجار

نيجار : اهلاً ياابو حميد
محمد : ايه يا بنتى مالك الدراسة وخداكى اوى كده ليه اشحال انى فى كلية طب ومش بعمل اللى بتعمليه ده اعمل انا ايه بقى
نيجار : متعملش حاجه
محمد : نفسى افرح بيكى قبل ما اروح الكلية
نيجار : هههههههههههههه يا دمك قول الكلام اللى انت جاى له يا حمادة
محمد : فى عريس جه وتقدم لربه الصون والعفاف نيجار
نيجار : عريس ! مين العريس ده ؟
محمد : الدكتور خالد ابن عمك
نيجار : ايه بتقول مين خالد يا ساتر يا رب جه يعمل ايه!
محمد : يتقدم ليكى ... وبعدين الواد بيحبك من واحنا صغيرين
نيجار : ايه بص انا اصلا مش بطيقة يبقى ازاى هكون زوجتة؟!
محمد : على العموم اللهم بلغت اللهم فأشهد ابوكى وامك قالولى اجى اقولك علشان انا اقرب واحد ليكى
نيجار : قولهم رافضة ..!
محمد : خلاص ...خلاص هروح اقولهم

ومرت الايام وخالد جه بيت عمه الحاج يوسف علشان يعرف رد نيجار

خالد :ازيك يا عمى

الحاج يوسف : اهلاً يا دكتور خالد عامل ايه ؟
خالد : الحمد لله ياعمى ... عمى رد نيجار ايه ...

**سنة اولى فن** · #4 (**permalink**) 04-22-10, 09:49 PM

الحلقة الثانية

الحاج يوسف : والله يا ابنى البنت لسه صغيرة ولسه فى اولى كليه

خالد : وماله يا عمى انا ممكن بعد الجواز اساعدها فى المذاكرة

الحاج يوسف : هى هتذاكر ولا هتجهز نفسها يا ابو الخلد ..

خالد : افهم من كده ايه ؟؟؟

الحاج يوسف : إن شاء الله اول ما تخلص جامعة نبقى نشوف الموضوع ده

خالد : انا موافق ومستعد استناها لآخر يوم فى عمرى

فى الوقت ده دخل " سامى " و" محمد "

سامى , محمد : السلام عليكم

الحاج يوسف , خالد : وعليكم السلام

قام خالد وسلم على ولاد عمه

خالد : طيب استأذن انا بقى

محمد : ايه يا عم الدكتور هو اذا حضرت الشياطين ذهبي الملائكة ..

خالد : لا والله مش قصدى انا اصلاً كده كده كنت هقوم بس دخولكم اللى اخدنا

محمد : طيب يا خلودة مع السلامة

خالد : سلام عليكم

الحاج يوسف , محمد , سامى : وعليكم السلام

ولما خرج خالد قابل نيجار

خالد : ازيك يا نبجار

نيجار : اهلاً يا دكتور خالد

خالد : دكتور ... انا ابن عمك يا نيجار

نيجار : آه انت ابن عمى ولكن اكبر منى واهلى ربونى انى احترم اللى اكبر منى

خالد : ونعم التربية

نيجار : عن اذن حضرتك

خالد : انتى هتمشى

نيجار : امال عاوز منى حاجه ؟

خالد : لا ...

نيجار :طيب .. عن اذنك

دخلت نيجار البيت وسلمت على اخواتها وباباها ومامتها

الحاجه سمية : الحمد لله

نيجار : الحمد لله تزيك انتى يا ماما

الحاجه سمية : الحمد لله

الحاج يوسف : الدكتور قالها تقعد فى السرير وهى مش راضية

نيجار : ماهى لازم تفك عن نفسها يا بابا

الحاج يوسف : لدرجة انها تعمل الطبيخ بنفسها وتنظف البيت كمان

نيجا ر : انتى عملتى شغل البيت كله يا ماما

الحاجه سمية : ايوه يا نيجار

نيجار : طب ليه يا ماما امال انتى خلفتينى ليه ؟

الحاجه سمية : انتى هتذاكرى ولا هتشتغلى فى البيت

سامى : يا سلام يا سلام شايف يا بنى قلب الام

نيجار : ايه انتوا مالكم ام وبنتها مالكم انتوا

سامى : ماشى يعنى نطلع منها حاااااااضر طيب يلا يا محمد نطلع نغير هدومنا

نيجار: وانا ثوانى وهجهز الاكل

وباليل كانت نيجار بتذاكر افتركت محاضرة الدكتور " عبد الله " المعيد بالكلية

الحقيقة اهجبت نيجار بيه جداً لكن وهى غرقانه فى احلامها دخل عليها الحاجه سمية

الحاجه سميه : السلام عليكم

نيجار : وعليكم السلام يا مامتى

الحاجه سمية انا قطعت عليكى المذاكرة

نيجار : لا ابداً يا ماما

الحاجه سمية طيب انا كنت عوزة اكلمك فى ...

**سنة اولى فن** · #5 (**permalink**) 04-22-10, 09:50 PM

الحلقة الثالثة

وبالليل وهى بتذاكر افتكرت الدكتور " عبد الله " المعيد بالكلية

اعجبت بشخصيته جدا لكن وهى غرقانه فى احلامها دخلت امها عليها

الحاجه سمية : السلام عليكم

نيجار : وعليكم السلام يا مامتى

الحاجه سميه : قطعت مذاكرتك

نيجار : لا ابدا يا مامتى اتفضلى

الحاجه سمية : انا جيه علشان اكلمك فى موضوع الدكتور خالد

نيجار : نعم

الحاجه سمية : انتى ختى الآن قرارك ايه ؟

نيجار : انا قولت رأى لمحمد وهو انى رافضة

الحاجه سمية : خالد انسان كويس وشاب متدين ومحترم

نيجار : انا عمرى ما كنت اتصور ان خالد يكون فى يوم من الايام جوزى انا طول عمرى بعتبره زى اخوى

الحاجه سمية : بصى يا جوجو الجواز مسؤلية وانا وبابا شيفين ان خالد راجل واقد مسؤلية البيت

نيجار : يعنى انتى عوزانى افكر تانى فى الموضوع

الحاجه سمية : ايوه

نيجار : ان شاء الله

وفى الصباح ذهبت نيجار الكلية وقابلت وفاء

نيجار : ازيك يا فوفو

وفاء : اهلاً ازيك يا جوجو

نيجار : اسكتى مش خالد جه علشان يتقدم لى

وفاء : بتتكلمى بجد

نيجار : اه والله

وفاء : بس خالد شاب ممتاز وانا عارفه انك رفضتى صح

نيجار : اه يا عرفانى

وفاء : صحبتك يا بنتى منذ 1990

نيجار , وفاء : هههههههههههههههههههههههه

فى الوقت ده دخل الدكتور عبد الله

نيجار : خلاص الدكتور دخل

وبعد المحاضرة حصل حاجه غريبة

هنشوفها فى الحلقة الجاى ...

انتظرونا

**سنة اولى فن** · #6 (**permalink**) 04-22-10, 09:52 PM

اقتباس:

المشاركة الأصلية كتبت بواسطة innocentoflove

واانا اول المتابعين مستنياكى يا موووووووووون

نورتى القصة

ويارب تعجبك

**بنوتة مصرية** · #7 (**permalink**) 04-22-10, 11:40 PM

جامدة يا قمر
كمليها بسرعة
تسلم ايدك

**بنوتة مصرية** · #8 (**permalink**) 04-22-10, 11:41 PM

جامدة يا قمر
كمليها بسرعة
تسلم ايدك

**rana guevara** · #9 (**permalink**) 04-23-10, 02:02 AM

كملى يا جميل شكلها حلوة اوى

محمود السايح · #10 (**permalink**) 04-23-10, 02:57 AM

تسلم ايدك

**سنة اولى فن** · #11 (**permalink**) 04-23-10, 04:41 PM

اقتباس:

المشاركة الأصلية كتبت بواسطة بنوتة مصرية

جامدة يا قمر
كمليها بسرعة
تسلم ايدك

من عيوووووووووونى
تسلمى لمرورك

اقتباس:

المشاركة الأصلية كتبت بواسطة banota masrya14

كملى يا جميل شكلها حلوة اوى

اوك من عيونى
وميرسى لمرورك العطر

اقتباس:

المشاركة الأصلية كتبت بواسطة محمود السايح

تسلم ايدك

سلمت شكرا لمرورك

**سنة اولى فن** · #12 (**permalink**) 04-23-10, 04:44 PM

الحلقةالرابعة

وبعد المحاضرة جريت نيجار وراء الدكتور عبد الله

نيجار : دكتور عبد الله

عبد الله : اهلاً انسة نيجار فى حاجه ؟

نيجار : انا زى ما حضرتك عارف انا فى سنة اولى وعوزة حضرتك تدينى معلومات ازاى اكتب بحث اللى دكتور ابراهيم طلبه مننا ؟

عبد الله : عادى جدا

عبد الله : المحاضرة القادمة الدكتور ابراهيم هيفهمكوا ازاى تعملوا البحث

وانا هديكى البحث بتاعى اللى عملته ايام ما كنت فى الدراسه

نيجار : متشكرة جدا يا دكتور

وباليل دخل سامى على نيجار علشان يصحيها

سامى : جوجو اصحى علشان تكلى

نبجار : لألألألألأ انا مش عاوزة اكل انا عوزة انااااااااااااااام

سامى : يا جوجو انتى لو اكلتى هتتخننى بدل ما انتى رفيعة كده

نيجار : انا رفيعة انا رشيقة

سامى : ههههه عليكى واحد صحيتك

نيجار : يا رخم

سامى : انتى اصلاً كده كده هتقومى قومى بقى علشان تذاكرى

نيجار : حاضر قايمة

فى يوم الجمعة دخل محمد وسامى على نيجار لقوها بتعمل رياضة

محمد : ايه النشاط ده كله .

نيجار : مرسى يا ميدو

سامى : ايه النشاط ده كله

نيجار : اف

سامى : اشمعنى انا ماانتى رديتى عليه !

نيجار : كمان عوزنى ارد عليكى ده انا شيله منك من امبارح

سامى : خلاص بقى ما يبقاش قلبك وحش

نيجار : ماشى عفونا عنك

ضحك الجميع ونزلوا علشان يفطروا .....

بعد صلاة الجمعة

**سنة اولى فن** · #13 (**permalink**) 04-23-10, 04:45 PM

الحلقة الخامسة

بعد صلاة الجمعة ... دخلت نيجار على النت

الحاجه سمية : جوجو خالد تحت هو وابوه وامه ابوكى عزمهم على الغداء

نيجار : حاااااااااضر يا ماما انا هنزل دلوقتى

نزلت نيجار وسلمت على الجميع

خالد : ازيك يا نيجار ؟

نيجار : الحمد لله

خالد : محتاجه حاجه فى دراستك اشرحها ليكى ؟

نيجار : لأ شكرا

وقامت نيجار وقالت

نيجار : بعد اذنكم عندى مذاكرة

ودخلت نيجار حجرتها وبعد شوية دخلت الحاجه سمية

الحاجه سميه : جوجو يا حبيبتى

نيجار : نعم يا ماما

الحاجه سميه : إنتى إيه اللى عملتيه ده؟!!!

نيجار: عملت إيه فى إيه؟!!

الحاجة سمية: ينفع تقومى وتسيبى الناس قاعدة كده!!!

نيجار: ماما انتى عارفة من الاول انى مش موافقة ع الموضوع ده

مش عارفة إيه لزوم اللى بتعملوه بس..!!

الحاجة سمية: خلاص خلاص .... براحتك يا بنتى

طيب انتى حد شاغل بالك ... احكي لى يا بنتى وقول لى

نيجار: بصراحة ما فيش لحد دلوقتى بس أنا معجبة بشخصية معيد عندنا فى الكلية.

الحاجة سمية: والاعجاب ده بقى أخرته إيه..!!!!

نيجار: مش عارفة بس عندى احساس اول مرة احس بيه .

الحاجة سمية: حبيبة قلبى الجامعة عالم كبير جدا وهاتشوفى كتير وممكن تعجبى بإنسان لكن مش معنى كده إنك ترفضى شخص تانى لمجرد إعجاب .

نيجار: انا ماقولتش كده بس فعلا ابن عمى زى أخويا مش أكتر بالنسبة لى.

الحاجة سمية: طيب .. بس حبيبة قلب ماما خلى بالك من نفسك وماتسرحيش ورا عواطفك وأنا عايزة إيه غير إنى أشوفك مبسوطة وسعيدة فى بيت العدل وأنا واثقة إنك عاقلة مش كده يا نيجار

نيجار: أكيد ياماما ... اطمنى عمرى ماهاخيب ظنك فيا أبدا

الحاجة سمية حضنت بنتها ثم تركتها ولسان حالها يدعو لها بكل خير.

وبدأت نيجار تفكر فى كلام مامتها حتى نامت .

وفى الصباح الباكر راحت الكلية كالعادة وقابلت دكتور عبد الله

**سنة اولى فن** · #14 (**permalink**) 04-23-10, 04:50 PM

الحلقة السادسة

نيجار: دكتور عبد الله ... دكتور عبد الله

د.عبد الله: أيوه

نيجار: ده البحث اللى طلبه دكتور أحمد ..

د.عبد الله: طيب اديه للدكتور أحمد بنفسه

نيجار: هو قالنا نديه لحضرتك لأنه هايسافر وحضرتك هاتمسك مكانه

د.عبد الله: هو فعلا هيسافر كندا بس لسه مجلس القسم ماقررش مين هايمسك مكانه... على العموم خلاص هاخده .

ونظرة سريعة فى البحث وطبعا اسمها فى أول صفحة "نيجار يوسف الجمل"

د.عبد الله: انتى بنت الحاج يوسف الجمل رجل الأعمال

نيجار: أيوه ... فى حاجة ..!!!

د.عبد الله : لا أبدا أسمع عن والدك كتير من والدى .. هما أصحاب من زمان

نيجار: صحيح يا دكتور

د. عبد الله : أيوه فعلا

نيجار: هو اسم حضرتك بالكامل إيه؟!!

د.عبد الله : عبد الله عادل السكرى

وصرخت نيجار : عمو عادل ... قصدى .... طيب فرصة سعيدة يا دكتور

د.عبد الله : أنا أسعد

نيجار : بعد إذنك يا دكتور

د.عبد الله : اتفضلى

وعادت نيجار لبيتها وهى سعيدة جدا تفكر فى ذلك الموقف الذى لم يكن فى الحسبان وفجأة دخل الحاج يوسف البيت.

الحاج يوسف: السلام عليكم يا أهل البيت

نيجار: وعليكم السلام ورحمة الله وبركاته

ازيك يا بابا وحشتنى جدا ... عارف يا بابا عمو عادل

الحاج يوسف: اه طبعا ... إيه اللى فكرك بيه

نيجار : انهاردة عرفت ان ابنه يبقى دكتور عبد الله المعيد فى الكلية

الحاج يوسف : بجد .... ما شاء الله

وقطع الحديث صوت الحاجة سمية تنادى : نيجار ... يا نيجااااااااار

نيجار راحت لمامتها ...

نيجار: أيوه يا ماما .... ازيك

الحاجة سمية : كده تيجى من غير ما تسلمى

نيجار : كنت بتكلم مع بابا معلش .... مالك يا ماما شكلك تعبان

الحاجة سمية : تعبانة قوى يا بنتى .. ناديلى بابا وخليه يكلم الدكتور

ونكمل الحلقة الجاى

**: فارس الاسلام :** · #15 (**permalink**) 04-23-10, 04:57 PM

حلوة القصة دى بجد

تسلم ايدك ياقمر
وباذن الله امااكون كويس هوزع اللينك بتاع القصة

وياريت حلقتين كفاية مش اكتر

علشان الناس تكون فى اقبال عليها

ووزع معاكى لينك القصة قريب
علشان الناس تتفاعل معاها

المواضيع المتشابهه
الموضوع	صاحب الموضوع	الركن	مشاركات	آخر مشاركة
يوميات عزيزة وأسرتها الكريمة ,, يوميات كوميدية بقلم :بنوتة مصرية و MS.Doaa	MS.Doaa ™	خف تعوم من غير هدوم	98	09-13-09 02:15 PM
مصيبه اسمها الحب ومصيبه اكبر اسمها الجواز	عادل طه	صور ع الماشي..وعلق يا نقراشي	23	03-10-09 09:51 PM
مصيبة اسمها الحب ومصيبة اكبر اسمها الجواز	محشش يلومنى	قضيهـا.. والنـاس لبـعضيها	34	02-24-09 11:31 PM
اذا كان معاك قطعة فحم وجدار ابيض ايش تكتب...؟	dangerous	حمــاده يلعب..	298	12-29-08 07:37 AM

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق

!~ آخـر 10 مواضيع ~!