اعلان ادارى هام | ندعو الله ان نوفق فى الخير ولا نغضب الله ابدا


:: .. °° الاعلانات°° .. ::
 
:-:|:-: اعلان ادارى هام | ندعو الله ان نوفق فى الخير ولا نغضب الله ابدا :-:|:-: ادارة الموقع تهنئكم بحلول شهر رمضان الكريم وتتمني لـكم صومآ مقبولا وأفطارا شـهيا أن شاء الله :-:|:-:
  #1 (permalink)  
قديم 05-25-12, 04:21 AM
الصورة الرمزية No$a2010
-:: زبون VIP ::-
بنت

 
معلومات No$a2010
معدل تقييم المستوى: No$a2010 زبون جوهرةNo$a2010 زبون جوهرةNo$a2010 زبون جوهرةNo$a2010 زبون جوهرة
طربيزة الزبون
Talking حماتك بتحبك ..مش مصدقانى ..طب تعالى شوفى







النهاردة هقولكم على حاجه مهمه لو نجحتو فيها هتعيشو سعداء مع ازواجكم




نصائح تجعلك تكسبين قلب حماتك





أكيد كل بنت مقبلة على الخطوبة أو الزواج أوّل حاجة بتفكّر فيها هي شكل العلاقة اللي هتكون بينها وبين حماتها..


وده لأنها إما تكون علاقة طيبة، قائمة على الحب والاحترام المتبادل بين الطرفين، ودي -بيني وبينك- بتكون حاجة في منتهى الجمال والاحترام، وبيها هتضمني إنك هتعيشي إنتِ وجوزك في سعادة تامة..


أو إنها تكون علاقة تشبه علاقة القط والفأر، وبيني وبينك السبب إن العلاقة تاخد الشكل ده بيكون إن كل طرف من الطرفين في ضميره أشياء سيئة تجاه الطرف الآخر..


فالعروسة مثلاً حاسة إن حماتها قنبلة ذرية هتنفجر في وشها في أي وقت، ومن هنا بتبدأ تتصيّد لها الأخطاء على الفاضي والمليان..


والحماة حاطة في دماغها إن العروسة دي جاية تاخد ابنها اللي تعبت في تربيته على الجاهز، وإنها هتكون السبب في إن ابنها يبعد عنها باقي عمرها، وبرضه من هنا بتبدأ تصطاد للعروسة الأخطاء على الفاضي والمليان، أو بمعنى أصحّ بتطلّع فيها القطط الفاطسة!


وبتكون النتيجة في النهاية حدوث خلافات ومشاكل كتيرة بين الطرفين.. والخلافات دي ممكن إنها -لا قدّر الله- تسبب الانفصال..


طب والحل ايه!!!!!



علشان علاقتك بحماتك تكون علاقة طيبة قائمة على الحب والاحترام، يبقى لازم تحطي في دماغك إن حماتك في مقام والدتك بالضبط، وإنك زي ما بتحترمي والدتك المفروض تحترمي حماتك؛ طبعاً إنتِ هتقولي إن تصرفاتها بتضايقك وبتخليكِ أحياناً مش طايقة تسمعي سيرتها..


هاقول لك إن فيه تفسير بسيط جداً لتصرّفاتها معاكِ بالشكل ده، ويا ريت التفسير ده تخلّيه قدامك على طول وإنتِ بتتعاملي مع حماتك، وهو إن حماتك مهما كانت فهي في النهاية سِت، والست عندها مرض اسمه الغيرة، والغيرة دي بتظهر أول لما بتسمع إن ابنها هيخطب أو خلاص هيتجوّز؛ وده لأنها بتحسّ إنه هيسيبها ويروح لواحدة تانية، وبتزداد حدة الغيرة دي خصوصاً لو كان ابنها هو وحيدها أو هو الحنين عليها، وأحياناً أخرى بتكون بدون مبرر.


علشان كده عايزاكِ تكوني ست شاطرة، قادرة إنك تحافظي على بيتك وجوزك وحياتك بشكل صح، وتعرفي إزاي تقضي على غيرة حماتك، مش كده وبس، وتعرفي كمان إزاي تكسبي قلبها، وتخلّيها تحبّك، وتشيل أي غيرة من قلبها أو من عقلها من ناحيتك



شوية نصائح هتساعدك على تحقيق غرضك النبيل..

  • سيبك من اللي بتسمعيه
كل بنت قبل ما تتجوّز بتسمع كلام كتير من أصحابها المتجوزين عن سوء العلاقة بينهم وبين حماواتهم، ومع الأسف الشديد مش كل الكلام اللي بتسمعه بيكون صح.. كمان اللي بتشوفه البنت في الأفلام، وبيصوّر الحماة على إنها ساحرة شريرة ماسكة مقشة؛ ده كله ممكن يخلي دماغها يدور فيها الوسواس عن إن حماتها هتكون زي ما صاحباتها بيحكوا أو زي الفيلم اللي شافته.. ومن هنا تبدأ تتعامل مع حماتها بتحفّظ شديد جداً، وتبدأ تتصيّد لها الأخطاء، وتبقي مش عايزة تسمع صوتها أو تشوفها، وبكده بتكبر الفجوة بينهم.




علشان كده عايزاكِ تعرفي حاجة؛ وهي إن زي ما فيه حموات بيتدخلوا في حياة أبنائهم بشكل يسبب المشاكل، فيه حموات تانية طيبة جداً وبتعامل زوجات أبنائهم بشكل كويس جداً، زي ما بتعامل أبنائهم بالضبط.



ويا ريت وأنت داخلة على حياة جديدة تسيبك من كل اللي سمعتيه أو شوفتيه، وتعيشي تجربتك بنفسك من غير ما يكون عندك أي تحفّظات من البداية.



  • افتحي مجال للكلام
حاولي دايماً إنك تفتحي مجال للكلام بينك وبين حماتك، ويا ريت تكلّميها كل يوم الصبح أو بالليل، وأثناء المكالمة دي افتحي معاها مجال للكلام في أي موضوع من الموضوعات، وليكن مثلاً عن المطبخ والأكل، أو في أي موضوع من الموضوعات اللي بتكون محور نقاش الناس، وخليكِ مستمعة جيدة لكلامها، وأكّدي لها في نهاية المكالمة إنك سعيدة جداً بالحوار ده، وإنك بتاخدي الحكمة منها، وأكّدي لها إنك بترتاحي معاها في الكلام زي ما بترتاحي مع والدتك بالضبط.




ويا ريت تشجّعي جوزك على الاتصال بوالدته كل يوم الصبح وبالليل، وبكده فعلاً لو حماتك كانت بتفكّر إنك هتاخدي ابنها منها هتشيل الفكرة دي من دماغها تدريجياً ومع الوقت هتنساها خالص.


  • افتكريها في كل مناسبة
اسألي خطيبك أو جوزك نوعية الهدايا اللي بتحبها، واوعي تنسي

وفي كل مناسبة زوريها ومعاكِ هديتين؛ واحدة باسمك إنتِ، والتانية باسم زوجك، وخلّي زوجك هو اللي يقدّم هديته بنفسه.



وأثناء الزيارة دي اقعدي اضحكي واتكلّمي معاها، وساعديها وهي بتقدّم لكم واجبات الضيافة، وامدحي في ذوقها الشديد ونظافة بيتها، واتمنّي قدامها إنك تكوني شاطرة زيها كده.


  • اهتمي بالتفاصيل حتى البسيطة
حاولي في علاقتك بحماتك تهتمي بكل التفاصيل الصغيرة في حياتها؛ يعني مثلاً لو عارفة إن النهارده ميعادها مع الدكتور اعرفي الميعاد هيكون الساعة كام بالضبط، واتصلي فكريها بالميعاد، وبعد شوية اتصلي تاني واسأليها عملت إيه في زيارتها للدكتور؟




وده لإنها في الوقت ده بتكون مستنيّة تشوف مدى اهتمام اللي حواليها بها، ويا ريت كمان لو وقتك يسمح روحي معاها عند الدكتور، وبعد ما تخلص الكشف خديها واتغدوا بره أو اتمشوا شوية؛ بكده حماتك هتحس بمدى اهتمامك بها، وده هيقرّب المسافات بينكم وبين بعض.


  • ساعديها في مرضها
يا ريت أثناء مرض حماتك -لا قدّر الله- تحرصي على إنك تعرضي مساعدتها في شئون المنزل أو في إعداد الطعام، ويا ريت لو وقتك يسمح إنك تروحي وتقعدي معاها وتخدميها خلال فترة مرضها كإنك بنتها بالضبط.. وعلى فكرة موقف زي ده هيفرّح حماتك وجوزك أوي، وبكده هتحس كإنك بنت من بناتها، وهتبدأ هي كمان تقرب منك.
  • زوريها كل ما تكوني فاضية
بلاش تعوّدي حماتك على وقت أو يوم معين تزوروها فيه زي يوم الجمعة من كل أسبوع مثلاً؛ لأن بعد كده هيبقى شيء متوقع وروتيني، ويا ويلك لو جه اليوم ده وما رُحتيش لأي سبب؛ هتعتبرك كده إنك مقصّرة في حقها وعايزة تبعدي ابنها عنها؛ فحاولي تنوّعي في مواعيد زياراتك؛ يعني مرة الأحد ومرة الأربعاء، وهكذا ما تثبّتيش يوم معين للزيارة.
  • التزمي السكوت
في بعض الوقت ممكن حماتك تقول لك كلمة ما تعجبكيش أو يكون لها رأي مخالف لرأيك في بعض الأمور، في الوقت ده من الذكاء إنك تسكتي علشان ما يحصلش تصطادم بينك وبينها؛ وده لأنها في بعض الأوقات هتكون عايزة تحس بأهمية آرائها.




واوعي تغلطي وتسألي جوزك في الموقف ده عن رأيه؛ لإنه في الوقت ده مش هيكون عارف يرضي مين فيكم؛ إنتِ ولا والدته.


  • اذكري مميزات زوجك
احرصي دايماً وإنتِ قاعدة قدام حماتك إنك تمدحي صفات زوجك وطباعه الجميلة، واوعي تطلّعي فيه أي عيب قدامها، ويا ريت إنك تقولي قدامها إنه واخد الصفات الحلوة دي منها، وامدحي في حسن تربيتها ونجاحها في تربيته بهذا الشكل، واسأليها على الأساليب اللي كانت بتعملها علشان تربّيه بالطريقة دي، علشان تستفيدي منها إنتِ كمان في تربية أبنائك؛ لأنك بتعتبري حياتها قدوة قدامك.
  • أشركيها مع أسرتك
الأحفاد دايماً بيمثلوا حاجة كبيرة جداً عند أجدادهم؛ وزي ما قال المثل الشعبي "أعز الولد.. ولد الولد"، علشان كده لازم تخلّيها مُطّلعة دايماً على كل الأحداث المهمة في حياة أحفادها؛ يعني لو ابنك نجح في المدرسة يروح يورّيها الشهادة علشان يفرّحها، وتحتفلوا كلكم مع بعض، وخليها تشارك في بعض القرارات المهمة في حياة أحفادها؛ يعني مثلاً: اختيار اسم لحفيدها أو حفيدتها أو المدرسة اللي هيدخلوها.




الحاجات البسيطة دي ليها تأثير كبير على حب حماتك ليكِ، ولازم تحسّسي أولادك دايماً بأهمية جدتهم ودورها في حياتهم.



كمان ممكن إنك تحددي أيام معيّنة علشان تعملوا نشاطات مع بعض؛ يعني تروحوا النادي كلكم مع بعض، وتنزلوا تشتروا حاجات البيت مع بعض.



وحاولي كمان تعزمي حماتك عندك في البيت كل فترة، أو في أي مناسبة زي مثلاً: عيد ميلادك أو عيد جوازك أو عيد ميلاد أحد أبنائك، علشان تحسّ إنك بتشاركيها معاكِ في كل مناسباتك، ويا ريت تطلبي منها إنها تيجي لك البيت قبل المناسبة بيوم علشان تاخدي رأيها في بعض الترتيبات الخاصة بالمناسبة.


  • بلاش تقلّديها
في حاجة بنات كتير بتقع فيها وهما مش عارفين، ممكن تعمل مشكلة كبيرة، وهي إن البنت بتفتكر لما تحاول تقلّد حماتها في أكلة معينة وتتفوّق عليها فده هيخليها تحبها أكتر.




لكن العكس هو اللي بيحصل؛ لأنك لما تحاولي تاخدي مكانها وتثبتي للكل إنك ممكن تتفوّقي عليها؛ ده هيحسسها إنك عايزة تاخدي كل حاجة منها وتلغي دورها.. يعني مثلاً لو حماتك أحسن واحدة بتعمل كيكة، ما تقعديش تقولي أنا الكيكة بتاعتي أحلى؛ بالعكس حاولي تُثني على أكلها، واشكريها بعبارات بسيطة زي "تسلم إيدك يا ماما"، أو "الأكل تحفة"، "يا ريت تعلّميني إزاي أعملها كده".


  • حماتك امرأة مثلك
دايماً بتكون علاقة البنت مع حماها أفضل من علاقتها مع حماتها.. بس خلّي بالك إن العلاقة دي ممكن تكون من ضمن الأسباب اللي بتضايق حماتك؛ لأنها ممكن تكون شخصية غيورة، وهتفتكر إنك خطفتِ ابنها وعايزة كمان تاخدي حماكِ في صفّك ضدها، علشان كده يا ريت لو فيه مشكلة بينك وبينها ما تدخّليش حماكِ في النص، وكمان بلاش تتدلعي على جوزك أوي قدامها؛ لإن ده برضه بيثير غيرتها.



وقبل ما نقول سلام بنأكّد إن التصرّفات دي ما فيش فيها أي نفاق أو خداع؛ ما دام إنك هتعمليها من قلبك، وهيكون هدفك فيها هو إنك تكسبي قلب حماتك، وإنك تديها إحساس بأهميتها في الحياة، وده اللي بتسعى ليه أي أم بعد ما تجوّز أبناءها إنها يكون لها أهمية في حياتهم وتحسّ إنها بتلعب دور في حياتهم.


وفي النهاية حاولي دايماً تفكّري نفسك بإن حماتك تعتبر أم تانية ليكِ، تعامليها زي ما بتعاملي مامتك وتخافي على زعلها، وبالطريقة دي هتعيشي مع حماتك شهر عسل طويل، وهترتاحي في حياتك؛ لأن تقرّبك وحبك لحماتك بيخلي جوزك يحبك أكتر وأكتر..




ومستنييه اعرف منك رأيك إيه في النصائح اللي قلتها عليها دي..
هل فعلاً النصائح دي مفيدة وممكن تعمليها مع حماتك؟
ويا ريت كمان تحكي لنا على مواقفك الطريفة وغير الطريفة مع حماتك؟
ويا ريت برضه لو كنتِ لسه هتتخطبي أو تتجوّزي تقولى لنا ناوية تعملي إيه؟








منقــــــول



التوقيع

إلهى وسيدى ومولاى

عبيدكـ سواى كثير وليس لى إلا أنت
إلهى أُريدكـ ولا أُطيق .. أُحبكـ ولا أستطيع

تراودنى نفسى .. ويتخطفنى الشيطان
ويغرنى الهوى .. ويتخبطنى الناس
وتشغلنى الدنيا عنكـ

فخذ بيدى إليكـ
وانصرنى على كل ما يشغلنى عنكـ

"اسفى على نفس تدل الناس على الطريق الى الله ثم هى تفقده !"

رد مع اقتباس
  #2 (permalink)  
قديم 05-25-12, 10:29 AM
الصورة الرمزية ღ AvriL ღ
:: مشـرفه سـابقه ::
بنت

 
معلومات ღ AvriL ღ
معدل تقييم المستوى: ღ AvriL ღ has a brilliant futureღ AvriL ღ has a brilliant futureღ AvriL ღ has a brilliant futureღ AvriL ღ has a brilliant futureღ AvriL ღ has a brilliant futureღ AvriL ღ has a brilliant futureღ AvriL ღ has a brilliant futureღ AvriL ღ has a brilliant futureღ AvriL ღ has a brilliant futureღ AvriL ღ has a brilliant futureღ AvriL ღ has a brilliant future
افتراضي رد: حماتك بتحبك ..مش مصدقانى ..طب تعالى شوفى

بجد اكتر من رائع
تسلم ايديك
التوقيع

رد مع اقتباس
  #3 (permalink)  
قديم 05-27-12, 11:49 PM
الصورة الرمزية No$a2010
-:: زبون VIP ::-
بنت

 
معلومات No$a2010
معدل تقييم المستوى: No$a2010 زبون جوهرةNo$a2010 زبون جوهرةNo$a2010 زبون جوهرةNo$a2010 زبون جوهرة
طربيزة الزبون
افتراضي رد: حماتك بتحبك ..مش مصدقانى ..طب تعالى شوفى

تسلمى حبيبتى
نورتينى بوجودك ياقمرى
التوقيع

إلهى وسيدى ومولاى

عبيدكـ سواى كثير وليس لى إلا أنت
إلهى أُريدكـ ولا أُطيق .. أُحبكـ ولا أستطيع

تراودنى نفسى .. ويتخطفنى الشيطان
ويغرنى الهوى .. ويتخبطنى الناس
وتشغلنى الدنيا عنكـ

فخذ بيدى إليكـ
وانصرنى على كل ما يشغلنى عنكـ

"اسفى على نفس تدل الناس على الطريق الى الله ثم هى تفقده !"

رد مع اقتباس
  #4 (permalink)  
قديم 05-28-12, 04:47 PM
الصورة الرمزية عسولة وصغيورهـ
:: زباين VIP ::
بنت

 
معلومات عسولة وصغيورهـ
معدل تقييم المستوى: عسولة وصغيورهـ has much to be proud ofعسولة وصغيورهـ has much to be proud ofعسولة وصغيورهـ has much to be proud ofعسولة وصغيورهـ has much to be proud ofعسولة وصغيورهـ has much to be proud ofعسولة وصغيورهـ has much to be proud ofعسولة وصغيورهـ has much to be proud ofعسولة وصغيورهـ has much to be proud ofعسولة وصغيورهـ has much to be proud of
طربيزة الزبون
افتراضي رد: حماتك بتحبك ..مش مصدقانى ..طب تعالى شوفى


هههههههههههههههه
والله بحس وانا جاية اجوز
اني داخلة امتحان ثانوية عامة
بطبط وادلع في المادة
هههههههههههههههههه
لما اقبال حماتي حنفذ لي انتي قولتي
بس لو مش حصل كويس
حاجي اغزك
ههههههههههههههه

التوقيع







آصـــل مهمــآ قــgلـت مــش هتلآقے ڪُلمـــﮧ ﭑפـسـטּ منــهآ !!

~ ﭑلـפـمــ͡ـد للـــ͡ـۂ ~♥ =))
Ask.me ، Facebook
رد مع اقتباس
  #5 (permalink)  
قديم 05-29-12, 06:19 AM
الصورة الرمزية No$a2010
-:: زبون VIP ::-
بنت

 
معلومات No$a2010
معدل تقييم المستوى: No$a2010 زبون جوهرةNo$a2010 زبون جوهرةNo$a2010 زبون جوهرةNo$a2010 زبون جوهرة
طربيزة الزبون
افتراضي رد: حماتك بتحبك ..مش مصدقانى ..طب تعالى شوفى

اقتباس:
المشاركة الأصلية كتبت بواسطة عسولة وصغيورة مشاهدة المشاركة
هههههههههههههههه
والله بحس وانا جاية اجوز
اني داخلة امتحان ثانوية عامة
بطبط وادلع في المادة
هههههههههههههههههه
لما اقبال حماتي حنفذ لي انتي قولتي
بس لو مش حصل كويس
حاجي اغزك
ههههههههههههههه



هههههه ماهو لازم نطبطب وندلع
بس لو منفعش بقى كل ده
يبقى تغوزى العريس على طول
هههههههههههه
انا مليش دعوة

نورتينى حبيبتى
التوقيع

إلهى وسيدى ومولاى

عبيدكـ سواى كثير وليس لى إلا أنت
إلهى أُريدكـ ولا أُطيق .. أُحبكـ ولا أستطيع

تراودنى نفسى .. ويتخطفنى الشيطان
ويغرنى الهوى .. ويتخبطنى الناس
وتشغلنى الدنيا عنكـ

فخذ بيدى إليكـ
وانصرنى على كل ما يشغلنى عنكـ

"اسفى على نفس تدل الناس على الطريق الى الله ثم هى تفقده !"

رد مع اقتباس
  #6 (permalink)  
قديم 05-29-12, 06:45 PM
الصورة الرمزية القلب الحيران
زبون بدأ يعمل قلق
بنت

 
معلومات القلب الحيران
معدل تقييم المستوى: القلب الحيران زبون يستحق التميز
طربيزة الزبون
افتراضي رد: حماتك بتحبك ..مش مصدقانى ..طب تعالى شوفى

انا على وش خطوبه
وحماتى كل اللى بينا تلفونات
لسه متقابلناش
بس هى شخصيه مرحه
وبتاعه مقالب
بحب اكلمها اوى
ومتهيالى انها كمان كده
عشان بتكلمنى لو انا متصلتش
بس خايفه كل ده لسه برضه
خايقه متحبنيش لما تشوفنى
وكمان عشان خطبيى ابنها الوحيد
رد مع اقتباس
  #7 (permalink)  
قديم 05-30-12, 03:28 AM
الصورة الرمزية No$a2010
-:: زبون VIP ::-
بنت

 
معلومات No$a2010
معدل تقييم المستوى: No$a2010 زبون جوهرةNo$a2010 زبون جوهرةNo$a2010 زبون جوهرةNo$a2010 زبون جوهرة
طربيزة الزبون
افتراضي رد: حماتك بتحبك ..مش مصدقانى ..طب تعالى شوفى

الف مبروووك ياقمرى
وربنا يتمهالك على خير يارب
ومتخافيش انتى بإيدك تخليها
تحبك لو عاملتيها زى مامتك مش ند ليكى
او منافسة ليكى وياريت بلاش المقارنة الازلية
اللى بتجيب مشاكل كتير ياترى انا اغلى عنده
وهيسمع كلامى ولا كلام مامته
لأن كل واحدة منكم شئ مختلف عامليها زى مامتك
حتى لو ضايقتك بكلمة وارد جدااا من امهاتنا
ومع ذلك بنعاملهم بود وبنخاف نزعلهم
وان شاء الله حياتك تكون اجمل يارب
وربنا يسعدك ويهنيكى ياقمرى وعقبال الزفاف يارب

نورتينى بوجودك
التوقيع

إلهى وسيدى ومولاى

عبيدكـ سواى كثير وليس لى إلا أنت
إلهى أُريدكـ ولا أُطيق .. أُحبكـ ولا أستطيع

تراودنى نفسى .. ويتخطفنى الشيطان
ويغرنى الهوى .. ويتخبطنى الناس
وتشغلنى الدنيا عنكـ

فخذ بيدى إليكـ
وانصرنى على كل ما يشغلنى عنكـ

"اسفى على نفس تدل الناس على الطريق الى الله ثم هى تفقده !"

رد مع اقتباس
  #8 (permalink)  
قديم 05-30-12, 05:14 PM
الصورة الرمزية Lolita ,,
:: معلمة ركن الدرامـا الآسيـويه ::
بنت

 
معلومات Lolita ,,
معدل تقييم المستوى: Lolita ,, has much to be proud ofLolita ,, has much to be proud ofLolita ,, has much to be proud ofLolita ,, has much to be proud ofLolita ,, has much to be proud ofLolita ,, has much to be proud ofLolita ,, has much to be proud ofLolita ,, has much to be proud ofLolita ,, has much to be proud of
طربيزة الزبون
افتراضي رد: حماتك بتحبك ..مش مصدقانى ..طب تعالى شوفى


توبيك ياخراشي عليه أفادني كتير
ودي نظرية مثبتة إنك لما تكوني مهتمية بحد اوي .. أكيد هيحبك
او ع الأقل هيشيل أي نوايا سيئة فى قلبه تجاهك
توبيك عايز يتاخدله بوستين والله
ثانكـيو يانون
التوقيع






i! نِصّفٌ ﯢزنـَي مجـَـَـًـًـًـًهول , ,; و النِصـٌفٌ الآخ’ـًـًـًـًر
قـ'صـــة لـن يفـهـمـهـــــا أحــ'ـــد. . !



Super Junior - Elf <3
رد مع اقتباس
  #9 (permalink)  
قديم 05-31-12, 01:12 AM
الصورة الرمزية Ro0Ny
:-: معلمه عامه البيــت بيتــك :-:
:-: كبيـرة معلميــن القهــوة :-:
بنت

 
معلومات Ro0Ny
معدل تقييم المستوى: Ro0Ny is a name known to allRo0Ny is a name known to allRo0Ny is a name known to allRo0Ny is a name known to allRo0Ny is a name known to allRo0Ny is a name known to all
طربيزة الزبون
افتراضي رد: حماتك بتحبك ..مش مصدقانى ..طب تعالى شوفى

يسلمو قمر
التوقيع

رد مع اقتباس
  #10 (permalink)  
قديم 06-04-12, 12:38 AM
الصورة الرمزية ترف..}
زبون مزاجة عالي
بنت

 
معلومات ترف..}
معدل تقييم المستوى: ترف..} لَهُ هالة مدهشة حولترف..} لَهُ هالة مدهشة حول
طربيزة الزبون
افتراضي رد: حماتك بتحبك ..مش مصدقانى ..طب تعالى شوفى



وطب والملاك دي هتلاقي وقت لجوزها منين

التوقيع


ۈعند ـآللـه لآ تمـۈت ـآلأمـنيــآـآـآـآت

اللهم أدخـِلني مِدخـٍل صدِق وً أإخرِجني مِخرج صِدق وً أإجـِعل لِيِ مِن لِدنڪْ سِلطان نصِير

Twitter
رد مع اقتباس
إضافة رد

مواقع النشر (المفضلة)

الكلمات الدلالية (Tags)
أصدقائى, بتحبك, تعالي, حماتك, شوفي



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
مش هتقدر ترزع مواضيع جديدة
مش هتقدر ترد على المواضيع
مش هتقدر ترفق ملفات
مش هتقدر تعدل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع صاحب الموضوع الركن مشاركات آخر مشاركة
شوفى حماتك بتقول ايه لما تيجى تخطبك لأبنها deedyy زينات وولادها البنات 10 05-26-11 10:38 AM
تعالى اعرفى اتيكيت التعامل مع حماتك ((تبع المسابقة)) نانا احلى فنون الاتيكيت 91 03-15-11 04:32 AM
شوفى حماتك هتقول ايه لما تيجي تخطبك لأبنها maloka28 خف تعوم من غير هدوم 22 10-14-09 12:17 PM
حماتك بتحبك Ramy Adel خف تعوم من غير هدوم 10 07-05-09 08:27 AM
تعالي اعرف الناس بتحبك ولا لا مجدو-المصرى مش أى شاب إتخلق يعمل قلق 12 01-12-08 07:42 AM


ساعة القهوة دلوقتي: 12:59 PM


Powered by vBulletin® Version 3.8.7 Copyright ©2000 - 2014, Jelsoft Enterprises Ltd.
Search Engine Optimization by vBSEO 3.6.1
جميع المواضيع والمشاركات المكتوبه لا تعبر بالضروره عن وجهة نظر الموقع وإنما عن وجهة نظر الاعضاء وكاتبها .

جميع الحقوق محفوظة لـ قهوة المصريين .